*အကျိုးမျှော်ကာ နှိုးဆော်ပါသည်*

အလှူအားလုံးမှာ သဘောတူရာ စုပေါင်းလိုက်ရင် ပစ္စည်းအလှူနဲ့ တရားအလှူ ဆိုပြီးတော့ အလှူနှစ်မျိုးပဲ ရှိပါတယ်။ ပစ္စည်း အလှူထက် တရားအလှူက ပိုမြတ်တဲ့ အတွက် အလှူအားလုံးထဲမှာ အမြတ်ဆုံး အလှူ ဖြစ်ပါတယ်။ လောကမှာ ရှိရှိသမျှ ပစ္စည်းအလှူ အားလုံးထဲမှာ သံဃိက ကျောင်းအလှူဟာ အနှိုင်းမဲ့ အလှူဖြစ်ပါတယ်။ ဘာလို့လဲ ဆိုတော့ သံဃိက ကျောင်းအလှူ ထက်ပိုပြီး အလှူခံ ပုဂ္ဂိုလ်ကို အကျိုးကြီး စေပါတယ်။ အလှူပေး ပုဂ္ဂိုလ်ကိုလည်း ကုသိုလ်တိုး စေပါတယ်။

မြတ်စွာဘုရားရှင် လက်ထက်တော်တုန်းက နတ်သားတစ်ပါးက ၁။ဘယ်အရာကို ပေးလှူတဲ့ သူဟာ ခွန်အားကို ပေးလှူရာ ရောက်ပါသလဲ။ ၂။ဘယ်အရာ ကိုပေးလှူ တဲ့သူဟာ အဆင်းကို ပေးလှူရာ ရောက်ပါသလဲ။ ၃။ဘယ်အရာကို ပေးလှူတဲ့ သူဟာ သုခကို ပေးလှူရာ ရောက်ပါသလဲ၊ ၄။ဘယ်အရာကို ပေးလှူတဲ့သူဟာ မျက်စိအ မြင်ဓာတ်ကို ပေးလှူရာ ရောက်ပါသလဲ။ ၅။ဘယ်အရာကို ပေးလှူတဲ့သူဟာ ကောင်းကျိုးချမ်းသာကို ပေးလှူရာ ရောက်ပါသလဲ လို့ မြတ်စွာဘုရားကို လျှောက်တော့

၁။အစားအစာကို ပေးလှူတဲ့သူဟာ ခွန်အားကို ပေးလှူရာ ရောက်ပါတယ်။ ၂။အ၀တ်အထည်ကို ပေးလှူတဲ့သူဟာ အဆင်းကို ပေးလှူရာ ရောက်ပါတယ်။ ၃။ဆီမီးအ လင်းရောင်ကို ပေးလှူတဲ့သူဟာ မျက်စိအမြင် ဓာတ်ကို ပေးလှူရာ ရောက်ပါတယ်။ ၄။စီးစရာယာဉ်ကို ပေးလှူတဲ့သူဟာ ခရီးသွား လာတဲ့အခါ ချမ်းသာ သုခ ပေးသလို ၊ ၅။ အိမ်ကျောင်း အဆောက်အအုံကို ပေးလှူတဲ့သူဟာ ကောင်းကျိုးချမ်းသာ အားလုံးကို ပေးလှူရာ ရောက်ပါတယ်လို့ ဖြေကြားတော် မူခဲ့ပါတယ်။

အဲဒီထဲက ဇရပ်၊ တန်ဆောင်း၊ အိမ်၊ ကျောင်းစတဲ့ အဆောက်အအုံ အလှူကတော့ အလှူခံ ပုဂ္ဂိုလ်ကို ခွန်အားလည်း ပြည့်ဖြိုးစေသလို ရုပ်အဆင်းလည်း လှပတင့်တယ် စေပါတယ်။ ချမ်းသာသုခလည်း ဖြစ်ပွားစေသလို မျက်စိအမြင် ဓာတ်လည်း အားကောင်းစေပါတယ်။ ရှေ့အလှူ လေးမျိုးကြောင့် ရရှိနိုင်တဲ့ ကောင်းကျိုးလေးမျိုးကို အလှူတစ်မျိုးတည်းနဲ့ ရရှိစေနိုင်တာ ကျောင်းအလှူပါ။

ဝေလာမသုတ္တန်မှာ မြတ်စွာဘုရားရှင်က ပုထုဇဉ်လူသား ထောင်သောင်းများစွာကို ရွှေခွက်ပေါင်း ရှစ်သောင်းလေးထောင် ၊ ငွေခွက်ပေါင်း ရှစ်သောင်းလေးထောင် စသည့် တန်ဖိုးရှိ အဆင့်မြင့် ပစ္စည်း စားကောင်း သောက်ဖွယ်တွေနဲ့ လှူဒါန်းရတဲ့ အလှူဒါနကြီးထက် သောတာပန် တစ်ယောက်ကို ထမင်းတစ်နပ် ကျွေးရတဲ့ အလှူက ပိုပြီး အကျိုးကြီးပါတယ်။ သောတာပန် အယောက်တစ်ရာကို ထမင်းတစ်နပ် ကျွေးရတဲ့ အလှူထက် သကဒါဂါမ် တစ်ယောက်ကို ထမင်းတစ်နပ် ကျွေးရတဲ့ အလှူက ပိုပြီး အကျိုးကြီးပါတယ်။ သကဒါဂါမ် အယောက်တစ်ရာကို ထမင်းတစ်နပ် ကျွေးရတဲ့ အလှူထက် ရဟန္တာ တစ်ပါးကို ၊ ရဟန္တာအပါး တစ်ရာထက် ပစ္စေကဗုဒ္ဓါတစ်ပါးကို ၊ ပစ္စေက ဗုဒ္ဓါအပါး တစ်ရာထက် သမ္မာသမ္ဗုဒ္ဓ ဘုရားတစ်ဆူကို ဆွမ်းဆပ်ကပ် ရတာက ပိုမြတ်ပါတယ်။ သမ္မာသမ္ဗုဒ္ဓ ဘုရားတစ်ဆူ ကိုဆွမ်းတစ်နပ် ကပ်ရတဲ့ အလှူထက် ဘုရားအမှူးရှိတဲ့ ရဟန်းသံဃာတော်ကို ဆွမ်းတစ်နပ် ကပ်ရတဲ့ အလှူက ပိုပြီးအကျိုး ကြီးစေပါတယ်။ ဘုရားအမှူးရှိတဲ့ ရဟန်းသံဃာတော်ကို ဆွမ်းတစ်နပ် ကပ်ရတဲ့ အလှူထက် အရပ်လေး မျက်နှာမှ လာသော သံဃာတော် အပေါင်းကို ရည်စူးပြီး ကျောင်းဆောက်လှူ ရတဲ့အလှူက ပိုပြီးအကျိုး ကြီးပါတယ်။

ဘုရားရှင် လက်ထက်ကတည်းက ရှိခဲ့တဲ့ အရှင်သာရိပုတ္တရာ၊ အရှင်မဟာ မောဂ္ဂလာန် ကစလို့ အတိတ် ၊ပစ္စုပ္ပန် အနာဂတ် ကာလသုံးပါးလုံးမှာ ရှိနေပြီး ရှိနေဆဲ ရှိလာလတ္တံ့သော အရိယာ သံဃာတော် များအားလုံး ၊ ပုထုဇဉ် သံဃာတော်များ အားလုံးဟာ အလှူခံ ပုဂ္ဂိုလ်တွေ ချည်းပါပဲ။ပုဂ္ဂိုလ် တစ်ဦးတစ်ယောက် တစ်စုတစ်ဖွဲ့ကို ရည်စူးတဲ့ ပုဂ္ဂလိက အလှူထက် ရဟန်းသံဃာ အားလုံးကို ရည်စူးတဲ့ သံဃိက အလှူက အလှူခံပို မြင့်မြတ်ပြီး ပိုအကျိုးကြီးတဲ့ အတွက်ကြောင့် အလှူခံ ရဟန်းသံဃာ တော်တွေကို ပစ္စည်းလေးပါး ထင်ရှားကျော်ကြားမှု ပရိယတ္တိ ဗဟုသုတ ဈာန် အဘိညာဉ် ၀ိပဿနာဥာဏ် မဂ်ဖိုလ်နိဗ္ဗာန် စတဲ့ လောကီ၊ လောကုတ္တရာ ကောင်းကျိုးချမ်းသာအားလုံး လှူလိုက်ရာရောက်တဲ့ အတွက်ကြောင့် အမြတ်ဆုံး အလှူလို့ ခေါ်ပါတယ်။ ဒါကအလှူခံ ရှုထောင့်ဘက်က ကြည့်တာပါ။

တစ်ခါ အလှူပေး ပုဂ္ဂိုလ်ဘက် ရှုထောင့်က ကြည့်မယ်ဆိုရင် ကိုယ့်ကျောင်းအလှူကို ကိုယ်သတိရတိုင်း ကိုယ့်လှူဖွယ် ၀တ္ထုက လောလောဆယ်မှာတင် ထင်ရှားရှိ နေတာမို့ အခြားအလှူထက် မတူတဲ့ ကုသိုလ်စေတနာ အသစ်အသစ်တွေ တစ်ရစ်ပြီး တစ်ရစ် ထပ်ထပ်တိုး နေတဲ့အတွက် အမြတ်ဆုံး အလှူဖြစ်နေ ပြန်ပါတယ်။

ကျောင်းအလှူက မြေကြီးထဲမှာ အခိုင်အမာ စိုက်ထူထားတာမို့ အချိန်ကြာမြင့်စွာ မြဲမြံတည်တံ နိုင်ပါတယ်။ ကိုယ်ဘယ်အချိန်ဘဲ သတိရ သတိရ သတိရလိုက်တဲ့ အချိန်တိုင်းမှာ ကိုယ်လှူထားတဲ့ ကျောင်းတည်းဟူသော လှူဖွယ်ဝတ္ထုက လောလောဆယ် ထင်ရှားရှိနေတဲ့အတွက် ကျောင်းအလှူ လှူပါတယ်၊ ကျောင်းအသုံး ပြုနေတဲ့ ပုဂ္ဂိုလ် အားလုံးအစစ အရာရာ အဆင်ပြေ ကြပါစေ၊ ကိုယ်ချမ်းသာ စိတ်ချမ်းသာ ရှိကြပါစေလို့ ထပ်တလဲလဲ နှလုံးသွင်း ရင်းကုသိုလ် စေသနာ အသစ်အသစ်တွေ ကုသိုလ်ပီတိ အသစ်အသစ်တွေ တစ်ရစ်ပြီး တစ်ရစ် တိုးပွားလာ နိုင်ပါတယ်။ ဒါကြောင့် လွယ်လွယ်နဲ့ ရွှေ့ပြောင်းနိုင်တဲ့ ပစ္စည်းလှူတာထက် မရွှေ့ပြောင်း နိုင်တဲ့ပစ္စည်း ဖြစ်တဲ့ ကျောင်းအလှူကို ထာဝရ ဒါန ခိုင်မြဲတဲ့ အလှူ လို့ခေါ်ပါတယ်။

အကျိုးပေး ခိုင်ချင်ရင် အကြောင်းကံ ခိုင်ဖို့ လိုအပ်ပါတယ်။ ကျောင်းအလှူဟာ ခိုင်တဲ့ပစ္စည်း လှူတာမို့ အကြောင်းကံ ခိုင်တဲ့အလှူပါ၊ အလှူခိုင်မှတော့ ဘ၀ခိုင်ပြီပေါ့။ ဘ၀ခိုင် ချင်သူတိုင်း အလှူခိုင်အောင် ကြိုးစားကြ
ရပါမယ်။ အလှူခိုင် ဖို့ကတော့ ကျောင်းဆောက်လှူ ရုံပါပဲ။

ဝိပဿီ ဘုရားရှင် လက်ထက်တုန်းက ဗန္ဓုမတီမြို့က ကိုနေဇာ ဆိုတဲ့ ဆင်းရဲသားလေးဟာ ကျောင်းအလှူကို ပေးလှူပြီး ဘ၀ဆက်တိုင်း ကုသိုလ်အသစ်အသစ်တွေ ထပ်နေတဲ့အတွက် ကိုးဆယ့်တစ်ကမ္ဘာ လုံးလုံးချမ်းသာသုခ ခံစားပြီး နောက်ဆုံးဘ၀ ဂေါတမ မြတ်စွာဘုရားရှင် လက်ထပ်ရောက်မှ ပဋိသမ္ဘိဒါလေးပါး၊ ၀ိမောက္ခရှစ်ပါး၊အဘိညာဉ် ခြောက်ပါးနဲ့တကွ ရဟန္တာဖြစ်ပြီး ဒုက္ခခပ်သိမ်း ချုပ်ငြိမ်းပြီး နိဗ္ဗာန် ၀င်သွားခဲ့ပါတယ်။ ဒါက မရှိလို့မလှူ ၊ မလှူလို့မရှိ ဆိုတဲ့ စကားကို ပယ်သတ်ပြီး လူမင်းစည်းစိမ် အကြိမ်ကြိမ်၊ နတ်မင်းစည်းစိမ် ခဏခဏ ဆိုတဲ့ ထူးခြားဆန်းကျယ်တဲ့ အကျိုးတွေရဲ့ ရလာဒ်တွေပါ။

ကျောင်းလှူတယ်ဆိုတာ သူတစ်ပါးကို နေရာကောင်း တစ်ခုရအောင် ဖန်တီးပေးတာ ဖြစ်လို့ တုံပြန်မှု နိယာမ သဘောအရ ကိုယ့်ဘ၀မှာလည်း နေရာကောင်း တွေနဲ့ချည်း တွေ့ကြုံဆုံ စည်းရမှာ မလွဲပါဘူး။ ဘယ်လောက်ထိ လဲဆိုရင် အမိဝမ်း အတွင်းမှာ ပဋိသန္ဓေ နေတဲ့အခါ သူတကာတွေလို ကျဉ်းကျဉ်းကျုတ်ကျုတ် မနေရဘဲ ဆယ့်နှစ်တောင် တိုက်ခန်းထဲမှာ နေရသလို ချောင်ချောင်ချိချိ သက်တောင့်သက်သာ နေရပါသတဲ့။ ဇာတိဒုက္ခကို လျော့ပါးသက် သာစေတာ ကျောင်းအလှူ တစ်ခုတည်း ရှိပါတယ်။

တစ်လောကလုံးရဲ့ အနှိုင်းမဲ့ ကျေးဇူးရှင် ဖြစ်တဲ့ မြတ်စွာဘုရားရှင်က သံဃိကကျောင်း အလှူဟာ အနှိုင်းမဲ့ အလှူဖြစ်တယ်လို့ ၀ိဟာရ ဒါနံ သံဃဿ၊ အဂ္ဂံ ဗုဒ္ဓေန ၀ဏ္ဏိတံ ဆိုတဲ့ စကားတော်နဲ့ ဟောကြားညွှန်ပြ ထားတာမို့ ဘုန်းကြီးအတွက် ကျောင်းဆောက်တာ မဟုတ်ဘဲ သာသနာအတွက် ကျောင်းဆောက်နေ တဲ့အတွက် ဗုဒ္ဓဘာသာ မြန်မာလူမျိုးများနဲ့ မြန်မာရဟန်းတော်များ အနေနဲ့ တစ်ပိုင်တစ်နိုင် ကုသိုလ်ပါဝင်ရင်း မိမိစွမ်းနိုင်ရင် မိမိကိုယ်တိုင်လုပ်၊ ကိုယ်ကိုယ်တိုင် မစွမ်းနိုင်ရင် စွမ်းနိုင်လုိ့ လုပ်နေသူတွေကို အတတ်နိုင်ဆုံး ကူညီပံ့ပိုးရင်း တစ်ပိုင်တစ်နိုင် ကုသိုလ်ပါဝင် နိုင်ကြပါစေရန် နှင့် သဒ္ဓါတရား ရှိသူတိုင်း သံဃိက ကျောင်းအလှူ ဆိုတဲ့ အနှိုင်းမဲ့ အလှူကို စွမ်းအား ရှိသမျှ လှူဒါန်း နိုင်ကြပါစေလို့ ဆုမွန်ကောင်း တောင်းလိုက်ပါတယ်။

အကယ်၍ သဒ္ဒါတက်အား နည်းများမဆို ပါဝင်လှူဒါန်း လိုပါက အောက်ပါ ပုဂ္ဂိုလ်များ ထံသို့တိုက်ရိုက် ဆက်သွယ် လှူဒါန်း နိုင်ပါတယ်။

၁။ ဘဒ္ဒန္တဣန္ဒစက္က ပဓာန နာယက ဆရာတော် ငါရဟိုး ကျေးရွာ မဟာဒက္ခိဏာရုံ ကျောင်းတိုက်
ဖုန်း-၀၉ ၆၄၆၀၄၁၆ , ၀၉ ၂၁၁၀၁၄၀

၂။ဘဒ္ဒန္တအာစိဏ္ဏ ၊ မိဂဒါရုံ ကျောင်းဆရာတော်၊ အောင်သစ်လွင်ရပ် မိုးကုတ်မြို့။
ဖုန်း- ၀၉၆၉၇၀၆၇၉

၃။ဘဒ္ဒန္တနာယကာလင်္ကာရ ၊ သီတဂူ ဓမ္မ၀ိဟာရ ကျောင်းဆရာတော် မီနီဆိုးတားပြည်နယ်၊ အမေရိကန် နိုင်ငံ ဖုန်း- ၆၅၁-၇၉၇-၃၃၁၁။ ၉၅၂-၄၅၂ ၀၀၉၄

၎။ဘဒ္ဒန္တသာရိန္ဒ သာသနဓဇဓမ္မာစရိယ စန်းသုခ ဆရာတော် မဟာမြိုင်ကျောင်းတိုက် မန္တလေးမြို့
ဖုန်း-၀၂-၆၂၂၆၆

၅။ ဘဒ္ဒန္တသြသဓ၊ဘဒ္ဒန္တတေဇ၀န္တ ဦးရှင်ကျောင်းဆောင် မဟာဂန္ဓာရုံ ကျောင်းတိုက် အမရပူရမြို့
ဖုန်း-၀၂-၇၀၄၆၄

၆။ဦးညီညီဇော်-ဒေါ်မိုးမိုးသဲ ထိုင်းနိုင်ငံ ဗန်ကောက်မြို့ ဖုန်း-၀၈၁-၃၀၈-၇၂၁၈

၇။ ဦးဇော်မင်း-ဒေါ်သီသီနွယ် ထိုင်းနိုင်ငံ ဗန်ကောက်မြို့ဖုန်း-၀၈၅-၁၆၃၈၇၄၁

၈။ ဦးမြင့်အောင်-ဒေါ်ကြိုင်(ကထိက)နည်းပညာတက္ကသိုလ်၊ ရန်ကုန်မြို့ ဖုန်း-၀၉-၅၀၀၉၅၉၂၊ ၀၉-၅၀၁၈၁၁၇

၉။ ဦးခင်မောင်ဌေး-ဒေါ်စမ်းစမ်းအေး နယ်စပ်စည်ပင် -ဖုန်း-၀၉၅၁၂၇၉၃၄

၁၀။ ဦးမြင့်ဦး-ဒေါ်သောင်းမြိုင် ရန်ကုန်မြို့ ဖုန်း-၀၁-၅၉၀၄၀၇

၁၁။ ဦးဝင်းညွှန့်-ဒေါ်ချိုမာ ယုဇနဥယျာဉ်မြို့တော် ရန်ကုန်မြို့

ဘဒ္ဒန္တနာယကာ လင်္ကာရ၊ သီတဂူ ဓမ္မ၀ိဟာရကျောင်းမှ ဆရာတော်ဧ။် မိန့်မှာချက်အရ သဒ္ဒါကြည်လင် ဘလောကာ အစ်ကို၊အစ်မ တို့နှင့်တကွ စာချစ်သူ ဓမ္မမိတ်ဆွေများလည်း ကုသိုလ်အလှူ ပါဝင်ယူနိုင် ကြစေရန် ရည်သန်၍ သတင်းကောင်းလေး ပေးအပ်ပါတယ်။

(ဆရာတော် အရှင်ဆန္ဒာဓိက၏ အနှိုင်းမဲ့အလှူ စာအုပ်မှ ကိုးကားရည်ညွှန်းပါတယ်။)

Read More...

ခံစားရေးသားသူ Dream အချိန် 10:48 PM 9 စာဖတ်သူအမြင် Links to this post

!--READ-MORE-STARTS-->

ဆက်လက်ဖတ်ရှုရန်.....

*ခရီးအတွက် မြေပုံ (ဆရာတော် ဦးဇောတိက)*

ဓမ္မမောင်နှမတို့ ရေ

ဒီရက်ပိုင်းထဲ ကျွန်တော် ဖတ်လက်စ တန်းလန်းနှင့် နှစ်ချီကြာနေတဲ့ စာအုပ် တစ်အုပ်ကို လက်စသပ်ပြီး ပြီးအောင် ဖတ်ဖြစ်ခဲ့လိုက် ပါတယ်။ စာအုပ်ကတော့ ဆရာတော် ဦးဇောတိက ရေးထားတဲ့ "A Map Of The Journey" ဆိုတဲ့ စာအုပ်ပါ။ စာအုပ်က မြန်မာပြည်မှာ ကတည်းက ဝယ်ပြီး လက်ထဲမှာ ရောက်နေတာ နှစ်နှစ်လောက် ရှိနေပါပြီ။ အကြောင်း အမျိုးမျိုးနှင့် ပြီးအောင် မဖတ်နိုင်ခဲ့ တာပါ။ နဲနဲဖတ်လိုက် ရပ်လိုက်။ တစ်လ နှစ်လ လောက်ကြာမှ တစ်ခါ ပြန်ကိုင်လိုက်၊ မေ့သွားလို့ အစကနေ ပြန်ဖတ်လိုက်၊ နောက် မအားတော့လို့ မဖတ်ဖြစ်လိုက်နှင့် သံသရာ လည်နေတာပါ။ ခရီးသွားတိုင်းတော့ အမြဲ သယ်သွားပါတယ်။ အားရင် ဖတ်မယ် ဆိုပြီးတော့။ ဒီလိုနှင့်ပဲ စာအုပ်က ပြည်ပ ရောက်တဲ့အထိ ပါလာတာပါ။

ဆရာတော်ရဲ့ အရင်စာအုပ် "Snow In The Summer" တုန်းကတော့ ဆက်တိုက် ပြီးအောင် ဖတ်ဖြစ်ခဲ့ ပါတယ်။ အခု ရက်ပိုင်းထဲမှာ ပါဠိနှင့် တရားစာပေကို အင်္ဂလိပ်လို အသုံးလေးတွေ လေ့လာချင်တာနှင့် ဒီတစ်ခါတော့ ပြီးအောင် ဖတ်မယ်လို့ ဆုံးဖြတ်ပြီး အလုပ်သွား အလုပ်ပြန် ရထားပေါ်မှာ ဖတ်လိုက်တာ သုံးပတ်လောက် အချိန် ပေးလိုက်တော့ ပြီးသွားပါတယ်။ အခု အဲဒီစာအုပ်နှင့် ပတ်သတ်ပြီး မဖတ်ရသေးတဲ့ သူတွေအတွက် စာအုပ် မိတ်ဆက် (သို့) စာအုပ် အညွှန်းလေး လက်ဆင့်ကမ်း ပေးချင်လို့ပါ။

စာအုပ်က နိုင်ငံခြားက တရားစခန်း တစ်ခုမှာ ယောဂီတွေ အတွက် ဟောထားတဲ့ တရားကို စာအုပ် အနေနှင့် ပြန်ရေးထား တာပါ။ အဓိက ကတော့ ဉာဏ်စဉ် တရားကို ဟောထားတာ ပါပဲ။ အားလုံး အခန်း(၁၁) ခန်း ပါဝင်ပြီး အခန်း တွေကို Talk (1) ကနေ Talk (11) အထိ ခွဲထားပါတယ်။

ပထမ အခန်းတွေမှာ တရားစ အားမထုတ်မီ မိမိကိုယ်ကို ကြိုတင် ပြင်ဆင်မှု ပြုလုပ်ပုံကို ဖော်ပြထား ပါတယ်။ ပြီးမှ တရား စအားထုတ်ပြီး သမာဓိ ထူထောင်ပုံ အဆင့်ဆင့်ကို ဖော်ပြပေးထား ပါတယ်။ သမာဓိကြောင့် ဖြစ်တတ်တဲ့ ထူးခြား ဖြစ်စဉ်များ အကြောင်းနှင့် ၄င်းတို့ကို ဖြတ်သန်း ကျော်လွှားပုံတွေ ကိုလည်း ရှင်းလင်း ထားပါတယ်။ နောက် အခန်းတွေ မှာတော့ ၀ိပဿနာ စတင် အားထုတ်ပုံ၊ ပညတ် ပရမတ်ခွဲပုံ၊ နောက် နာမရူပ ပရိစ္ဆေဒ ဉာဏ်ကနေပြီး ပစ္စဝေက္ခဏ ဉာဏ်အထိ ဉာဏ်စဉ် (၁၆)ပါးလုံးကို တစ်ဉာဏ်ချင်းစီ အသေးစိတ် ကွဲပြားမှု ရှိအောင် ရှင်းလင်းပေးထား ပါတယ်။

ဒီနေရာမှာ အခုစာအုပ်ရဲ့ ထူးခြားမှု လေးကိုတော့ ပြောချင်ပါတယ်။ ဉာဏ်စဉ် တရားတော်တွေ အကြောင်းကို ဆရာတော် ဘုရားကြီးများနှင့် ဓမ္မစာပေ ပညာရှင်များ ရေးသားထား၊ ဟောပြပေးထား တာတွေ ရှိပါတယ်။ အခု စာအုပ်မှာက ဆရာတော်က ဉာဏ်စဉ်တွေရဲ့ သဘော၊ သဘာဝ လက္ခဏာ တွေကို မိမိရဲ့ ကိုယ်တွေ့ တရားအတွေ့ အကြုံများနှင့် ယှဉ်ပြီး ဖော်ပြပေးထား တာကို တွေ့ရပါတယ်။ နောက်ပြီး ဒီဉာဏ်တစ်ခု ဖြစ်ခိုက်မှာ လောကီ လူမှုကိစ္စ တွေမှာ ဘယ်လိုမျိုး ယောဂီတစ်ဦး အနေနှင့် ဖြစ်တတ်ကြောင်း သတိပြုရမယ့် အချက်တွေ ဆင်ခြင်ရမယ့် အချက်တွေကို ဓမ္မ ဗဟုသုတ ဖြစ်ဖွယ် ဖော်ပြပေးထား ပါတယ်။

ဉာဏ်စဉ်များ အပြီးမှာတော့ သောတာပန် တစ်ယောက်ရဲ့  စိတ် အခြေအနေ၊ ကိုယ်ကျင့်တရား၊ တရားအပေါ် နားလည် ယုံကြည်ပုံ တွေကို ရှင်းပြထား ပါတယ်။ အရိယာ အဆင့်အလိုက် ကိလေသာ ပယ်သတ်မှု အဆင့်ဆင့် ကိုလည်း ဖော်ပြပေးထား ပါတယ်။ နောက် ဆက်လက်ပြီး ရပြီးသား သောတာပတ္တိ ဖိုလ်ကို ၀င်စားပုံ နည်းလမ်းနှင့် ဖြစ်တတ်တဲ့ အခက်အခဲ များကို ဖော်ပြထား ပါတယ်။ နောက် အထက် မဂ်ဖိုလ် တရားများကို ဆက်လက် အားထုတ်ဖို့ရန် အတွက် ပြင်ဆင်ပုံနှင့် အားထုတ်ပုံ ကိုလည်း ဖော်ပြပေးထား ပါတယ်။

နောက်ဆုံး မှာတော့ တရား အားထုတ်နေစဉ် ဖြစ်တတ်တဲ့ အခက်အခဲများ အတွက် စိတ်ထားတတ်ရန်နှင့် နည်းလမ်း မှန်မှန် အားထုတ်နိုင်ရန် ဟောပေးထား ပါတယ်။

စာအုပ် တစ်အုပ်လုံး ကတော့ ဆရာတော့် ရေးဟန်အတိုင်း စာမဆန်ဘဲ ပေါ့ပေါ့ပါးပါး ဖတ်လို့ရတဲ့ ဓမ္မစာပေ အရေးအသား ဟောပြော ပို့ချချက်များ ဖြစ်ပါတယ်။ ၀ိသုဒ္ဓိမဂ် ကို အခြေခံပြီး ရေးသား ဟောပြထားတာ ဖြစ်ပါတယ်။

လက်ရှိ တရား အားထုတ်နေတဲ့ ပုဂ္ဂိုလ်များနှင့် တရား အားထုတ်ဖို့ ပြင်ဆင်နေတဲ့ သူများအတွက် သဒ္ဓါတရား တက်ပြီး အသိဉာဏ် ပွင့်စေတဲ့ စာအုပ် တစ်အုပ်လို့ ပြောလို့ ရပါတယ်။ ဘယ်နည်းနှင့်ပဲ အားထုတ်သူ ဖြစ်ဖြစ် ဒီခရီးကို လူတိုင်း ဖြတ်သန်းရမှာ ဖြစ်လို့ ဘယ်ယောဂီ အတွက်ပဲ ဖြစ်ဖြစ် အသုံးတည့်တဲ့ စာအုပ် တစ်အုပ် ဖြစ်ပါတယ်။ ဆရာတော်က သူ့ရဲ့ ကိုယ်တွေ့ တရား အတွေ့အကြုံ တွေနှင့် ပေါင်းပြီး ဟောထားတာမို့ တကယ်လို့ ဆရာတော်နှင့် စရိုက်ဝါသနာ တူပြီး အားထုတ်ပုံ နည်းလမ်း တူသူတွေ အတွက်

ဆိုရင်တော့ တိုက်ဆိုင်တာတွေ အများကြီးနှင့် တော်တော် အသုံးဝင်မှာ ဖြစ်ပါတယ်။

ဒီစာအုပ်ကို အွန်လိုင်းမှာ ဒီနေရာကနေ http://www.buddhanet.net/pdf_file/mapjourney6.pdf Download ဆွဲချလို့ ရပါတယ်။ ကိုစိုးဝင်းထွဋ် ရဲ့ (http://soewinhtut.multiply.com/journal/item/12/Map_of_The_Journey_ebook_English_Languagehttp://www.buddhanet.net/pdf_file/mapjourney6.pdf) ကနေလည်း ယူလို့ ရပါတယ်။ MP3 အနေနှင့် နာချင်ရင်တော့ အောက်က လင့်ခ်တွေကနေ Download ဆွဲချပြီး နာလို့ ရပါတယ် ခင်ဗျား။

1: A Map of the Journey - day 1

2: A Map of the Journey - day 2

3: A Map of the Journey - day 3

4: A Map of the Journey - day 4

5: A Map of the Journey - day 5

6: A Map of the Journey - day 6

7: A Map of the Journey - day 7

8: A Map of the Journey - day 8

9: A Map of the Journey - day 9

10: A Map of the Journey - day 10

11: A Map of the Journey - day 11

ကျွန်တော်ကတော့ ဓမ္မဒါနအဖြစ် လက်ဆင့် ကမ်းလိုက်ပါပြီ။ ဓမ္မ မောင်နှမတို့က တကယ်လို့ ဖတ်ရှု နာယူကြည့်လို့ မိမိအတွက် အကျိုးတစ်ခုခု ဖြစ်ထွန်းခဲ့ရင် ကိုယ်ခင်မင်တဲ့ သူများကို ဆက်လက်ပြီး လက်ဆင့်ကမ်း ပေးလိုက် ပါအုံးလို့ ဆန္ဒပြု တိုက်တွန်း လိုက်ရပါတယ် ခင်ဗျား။

လေးစားခင်မင်စွာဖြင့်
ဝိမုတ္တိသုခ

+++++++++++++++++++++++++++++++++++++++++++

လေးစားစွာဖြင့်
ဖိုးသား

22.06.2009, MON:, 02:51:59 PM

!--READ-MORE-STARTS-->

ဆက်လက်ဖတ်ရှုရန်.....

*သာသနာ့ရေသောက်မြစ်တွေကို ရေသွန်းလောင်းကြပါဦး*

ညီမရေ . . .
ဒီတစ်ခေါက်တော့ အရင်က စကားအဖြစ်နဲ့ ပြောဖြစ်ပေမယ့် အသေအချာ မဆွေးနွေး ဖြစ်သေးတဲ့ အကြောင်းအရာ တစ်ခုကို ပြောဖြစ်လိမ့်မယ် ထင်ပါရဲ့။ မကြာသေးမီက ရန်ကုန်နဲ့ မနီးမဝေး နယ်မြို့  ကလေး တစ်မြို့ကို ခရီးထွက်ဖြစ် ပါတယ်။ အဲ ဒီမြို့ကလေး ကနေ နေ့ဝက် ခရီးသာသာမှာ ရှိတဲ့ ရွာကလေး တစ်ရွာ ကိုလည်း အရောက် သွားခဲ့ရ ပါတယ်။ ရွာက တော်တော်ကလေး အိမ်ခြေ များပါတယ်။ ရွာဦးမတော့ ကိုးတောင်ပြည့် စေတီကြီးနဲ့ ရေကန်ကြီး တစ်ကန်လည်း မြင်လိုက်ပါရဲ့။ ပြီးတော့ ရွာဦးကျောင်းကြီး ကလည်း ဟည်းလို့ပေါ့။ ရွာကို လေ့လာရေးလာတာ မဟုတ်လေတော့ ကိုယ်ရေးကိုယ်တာ ကိစ္စကိုပဲ ပထမ ဦးတည် လုပ်ရတာပေါ့။ ပြီးလို့ အချိန်နည်းနည်း ရရင်တော့ ရွာဦး စေတီကြီးနဲ့ ဘုန်းကြီး ကျောင်းကြီးကို သွားမယ်လို့ စိတ်ကူးထားလိုက် မိတယ်။ ကိစ္စ စောစောပြီးတာနဲ့ ရွာခံနဲ့ သာရေးနာရေး စကားပြောမိမှပဲ ဒီဇာတ်လမ်းက စဖြစ်တော့တယ်။

ညီမရေ . . .
ဒီရွာမှာ ဗုဒ္ဓဘာသာ ကိုးကွယ်တာ ဆယ်အိမ်တောင် မပြည့်ရှာတော့ ဘူးတဲ့။ ပြီးတော့ အဲဒီ ဘုရား၊ ကျောင်းကန်ဟာ ဆရာ ဒကာနဲ့ မစည်ကားခဲ့တာ ဆယ်စုနှစ် နှစ်စုလောက်တောင် ရှိပြီ ဆိုပါလား။ ဒီကျောင်းကြီး မှာလည်း ကျောင်းထိုင် ဆရာတော်အဖြစ် တောထွက် ရဟန်းကြီး တစ်ပါးသာ ရှိတော့သတဲ့။ ကိုးတောင်ပြည့် စေတီတော် ကြီးလည်း ထုံးသင်္ကန်း ကပ်သူဝေးလို့ ဆီမီး ရေချမ်းတောင် အပူဇော် မခံရတာ တော်တော့်ကို ကြာခဲ့ပါပြီလို့ ရွာခံ ဗုဒ္ဓဘာသာဝင် တစ်ဦးက ၀မ်းပန်းတနည်း ပြောရှာပါရဲ့။

ညီမရေ . . .
အနားကြည်လို့ အလယ်နောက် တဲ့ ကောသလ္လ အိပ်မက်ကတော့ အဲဒီ နေရာမှာ မှန်လိုက်လေလို့ ပြောရတော့ မှာပဲ။ တို့ ဗုဒ္ဓဘာသာ ၀င်တွေ အင်္ဂလန်တို့ ဘာမင်ဂန်တို့ ပြင်သစ်တို့ အမေရိကန်တို့ မွန်ဘိုင်းတို့မှာ ရှိရှိသမျှ ဓနအင်အားတွေ ပုံအောပြီး သာသနာ အထွတ်တင် လုပ်ငန်းကြီးတွေ လုပ်နေကြ ပေမယ့် တို့မြန်မာနိုင်ငံ ထဲမှာတော့ သာသနာ့ ရေသောက်မြစ်တွေ ခမ်းခြောက်ကုန်ကြ ပါရော့လား။

ညီမရေ . .
ဒီကနေ့ သာသနာတော်မှာ ဆရာအဖြစ် အားထားရမယ့် ဘုရားရှင်ရဲ့ သားရဟန်းတော် တွေကို ဘယ်နေရာ ကများ ပေါ်ထွက် လာကြပါလိမ့်။ ဘယ် နေရာကများ မွေးထုတ် ပေးလိုက်ကြတာ ပါလိမ့်။ ခပ်ရှင်းရှင်း မထောက်မညှာ ပြောရရင် ကျေးလက် တောနယ်တွေကပဲ မဟုတ်လား။ ရန်ကုန်လို မြို့ကြီး ပြကြီးကနေ သာသနာ့ ၀န်ထမ်း ရှင်ရဟန်းတွေ ဘယ်လောက်များ မွေးထုတ်ပေးနိုင် ခဲ့သလဲ စဉ်းတော့ စဉ်းစားစရာပါ ညီမရေ။ ဟုတ်ပါရဲ့… မြို့ကြီးပြကြီးနဲ့ မနီးတဲ့ ကျေးလက် တောနယ်တွေ ကနေ တို့ ဗုဒ္ဓဘာသာ ၀င်တွေအတွက် ဆရာ ဖြစ်လာမယ့် ရဟန်း အလောင်းအလျာ သာသနာ့ အာဇာနည် တွေကို ရွာဦးကျောင်း အသီးသီး ကနေ ဥပဇ္ဈာယ် ဆရာတွေ ကနေ မွေးထုတ် ပေးလိုက်ကြတာ မဟုတ်လား။ အဲဒီကနေ မြို့ကြီးပြကြီးက စာသင်တိုက်တွေ ရောက်လာ။ အလတ်တန်း အကြီးတန်းတွေ အဆင့်ဆင့်အောင်၊ စာချ ဆရာတော်တွေ ဖြစ်လာ။ နောက် ဓမ္မာစရိယ အောင်ပန်းကို လက်လှမ်း နိုင်ခဲ့ကြတယ် ဒီလို မဟုတ်လား။ အခုတော့ သာသနာ့ အညွန့်အဖူးကို မွေးထုတ်မယ့် ကျေးလက်က ကျောင်းကန် ဇရပ်မှာ ကျီးနဲ့ဘုတ် ဖြစ်နေတဲ့ အပြင် သြကာသ ကန်တော့ချိုးကို ဖြောင့်အောင် မရွတ်နိုင်ရှာတဲ့ ဒကာတွေနဲ့ မယားသေ သားကွဲ စီးပွားပျက်လို့ ရဟန်းဘောင် တက်လာတဲ့ တောထွက်ကြီးတွေ ကလည်း ရှစ်ပါး သီလတောင် အနိုင်နိုင် ဆိုတော့ ဒီရွာနဲ့ ဒီသာသနာဟာ ရေရှည်မှာ ရင်လေးစရာပါ ညီမရေ…။

နိုင်ငံတော် သံဃာ့ဝန်ဆောင် ဆရာတော် တစ်ပါးကတော့ မိန့်ဖူးပါရဲ့။ ကျေးလက်ကို အခြေခံထားတဲ့ ဒီသာသနာမှာ သာသနာရဲ့ ရေသောက်မြစ် ဖြစ်တဲ့ ကျေးလက် ဒေသမှာ သာသနာ့ ရေသောက်မြစ်တွေ ခမ်းခြောက် နေတာဟာ အချိန်မီ ကုစားရမယ့် အရေးအကြီးဆုံး အလုပ်လို့ မိန့်ပါတယ်။ ကျေးလက် ဒေသ ကနေ သာမဏေ ဘ၀ကစလို့ ဓမ္မာစရိယ အဖြစ် အဆင့်ဆင့် တက်လှမ်းလာ ခဲ့တဲ့ ဆရာတော်တွေ ထဲက ဘယ်နှစ်ပါးများ ကျေးလက်ဒေသ ကိုယ့်မြေ ကိုယ့်ရေမှာ သာသနာ့ဝန် ထမ်းဖို့ စိတ်ကူးခဲ့ကြ ဖူးပါသလဲ။ ကိုယ့်လို ဓမ္မာစရိယ ဆရာတော်တွေ ကိုယ့်မြေမှာ ထွက်ပေါ်ဖို့ စိတ်များ ကူးမိကြပါ လေစလို့ ဆရာတော်က မေးခွန်း ထုတ်ခဲ့ဖူးပါတယ် ညီမရယ်။

ညီမရေ . . .
အဲသလို ကျေးလက် တောရွာမှာ ရှစ်ပါးသီလ ဖြောင့်အောင် မပေးတတ်တဲ့ တောထွက် ရဟန်းကြီးတွေ ရှိနေသေးတာ ကိုပဲ ကြံဖန် ကျေးဇူး တင်ရမယ်လို့ တက္ကသိုလ်က ကထိက ဆရာ တစ်ယောက်က ပြောခဲ့တယ်ကွဲ့။ ဘုရား ကျောင်းကန်မှာ ရဟန်းတော်တွေ တစ်ပါးမှ မရှိတော့တဲ့ အဖြစ်တွေ ဖြစ်နေကြရလို့ ပါတဲ့။ ရန်ကုန်မြို့နဲ့ ဘယ်လောက်မှ မဝေးတဲ့ ဥက္ကံမြို့ ဘုရားကြီးတိုက် ဘုရားကြီးဂိုဏ်း ဂိုဏ်းအုပ် ဆရာတော်ကြီး တစ်ပါးကတော့ ဘုရားကြီးဂိုဏ်း ဓမ္မစက်ရောက်တဲ့ ကျေးရွာ သုံးဆယ် ကျော်ကျော်မှာ အနည်းဆုံး ဆယ့်ငါးရွာ လောက်မှာ ကျောင်းထိုင် ဘုန်းကြီး မရှိတဲ့ ပြဿနာကို ကျောင်းထိုင် ဘုန်းကြီး ရှာရတဲ့ဒုက္ခက မသေးဘူးလို့ မိန့်တော်မူ ပြန်တယ်။ ကျောင်းထိုင် ဘုန်းကြီး ရပြန်တော့လည်း စောစောက ရေးပြခဲ့သလို တောထွက် ကြီးတွေ နဲ့ပဲ တ၀ဲဝဲလည်ရ ပြန်တာတဲ့ကွယ်။ ဒါဖြင့်ရင် ဒီတော ဒီနယ်တွေမှာ သာသနာ့ အညွန့်အဖူးတွေ ပေါ်လာဖို့ ဝေးစွ၊ ဗုဒ္ဓဘာသာ ဆိုတာကို ပီပီပြင်ပြင် ကြည်ကြည်စင်စင် လမ်းပြပေးနိုင်မယ့် ဆရာစစ် ဆရာကောင်းတောင် ပေါ်မလာ နိုင်တာဟာ တို့ဘာသာ တို့သာသနာ အတွက် ၀မ်းနည်းစရာ မကောင်းပေ ဘူးလား။ ရွာငယ် ဇနပုဒ်တွေက ဂုဏ်ယူစရာ ကောင်းလောက်အောင် ဓမ္မာစရိယ အောင်ပန်းကို ဆင်မြန်းခဲ့တဲ့ တို့ဆရာတော်တွေ မဟာ ဓမ္မာစရိယက စလို့ ဟော အခုဆိုရင် အိန္ဒိယလို ထိုင်းလို သိရိလင်္ကာလို နိုင်ငံတွေ မှာတောင် ဓမ္မနဲ့ ပတ်သက်တဲ့ ပါရဂူဘွဲ့တွေ ဆင်မြန်းနိုင်ဖို့ အားသွန်ခွန်စိုက် နေလိုက်ကြချိန်မှာ အခု တို့နိုင်ငံက အခုပစ္စက္ခ အချိန်မျိုးနဲ့ ယှဉ်ထိုး ကြည့်ရင်တော့ အင်း ၀မ်းသာ ရမှာလား ၀မ်းနည်း ရမှာလားတောင် ပြောမပြတတ် အောင်ပါပဲ။

တို့ကျေးလက် တောနယ်က ဓမ္မစာပေ ပါရဂူကြီးတွေ တစ်ပါးပြီးတစ်ပါး ပေါ်ထွန်းနေချိန် မှာတော့ ဒီသာသနာ ဒီဆရာတွေကို မွေးထုတ် ပေးလိုက်တဲ့ တို့ကျေးလက် တောနယ်မှာတော့ ဘုရားနဲ့ ဇရပ်ကျောင်းမှာ ဟောင်းလောင်းကြီး ဖြစ်ကုန်ကြပါ ပေါ့လား။ ဆရာမရှိရှာတဲ့ အဲသည့် ကျောင်းကန် ဇရပ်မှာ ဒကာတွေ ဘယ်နှယ့် သာသနာ ပြုကြရပါ့။

ညီမရေ . ..
လွန်ခဲ့တဲ့ ၂၀၀၀-ပြည့်နှစ် တုန်းက မုန်တိုင်း မဆင်သေးတဲ့ ဧရာဝတီ တိုင်းဘက်က ကျေးရွာ တော်တော် များများကို ရောက်ခဲ့ရစဉ် တုန်းက ဒီပြဿနာ ကြီးကို ရိပ်စားမိပေမယ့် ရေရှည်ကို မတွေးခဲ့မိတာ ၀န်ခံရမှာပါ။ ရှားရှားပါးပါး အကြီးတန်း အောင်ပြီးတဲ့ ရဟန်းတော်လေး တစ်ပါးကတော့ သူ့မြေ သူ့ရေမှာ သူ့ဘိုးဘွားက လှူဒါန်းထားတဲ့ ဘုရားကျောင်းကန် အတွက် တက်လမ်း မရှာတော့ဘဲ အခြေချပြီး သာသနာ ပြုနေတယ် ကြားတော့ ၀မ်းသာအားရ ရှိလိုက်တာ။ ဒါမှ သာသနာ့ အာဇာနည်ကွလို့ ကိုယ့်ဘာသာကိုယ် သတ်မှတ်ထားတဲ့ စံနှုန်းနဲ့ တိုင်းပြီး ၀မ်းသာပိတီ ဖြစ်ရတယ်။ ရွာက ကလေးငယ်တွေ အတွက် ယဉ်ကျေး လိမ္မာသင်တန်း ပေးလို့ သာမဏေ ငယ်တွေ မွေးထုတ်မယ် ဆိုတော့ ဒီရဟန်းတော် ကလေးအတွက် နှစ်ထောင်းအားရ ရှိလိုက်တာလေ။

ညီမရေ. ..
မင်းကွန်းတိပိဋက ဆရာတော် ဘုရားကြီးဟာ သူ့သက်တမ်း တစ်လျှောက်မှာ အဓိကကျတဲ့ လုပ်ငန်း တစ်ခုဟာ သူ့လို တိပိဋကတွေ နိုင်ငံ အနှံအပြားက ပေါ်ထွန်းလာရေး ပဲလို့ သိရပြန်တယ်ကွဲ့။ အဲသလို ကြိုးပန်းခဲ့လို့လည်း တိပိဋက အောင်ပန်းတွေ တစ်ပွင့်ပြီး တစ်ပွင့် မင်းကွန်းမှာ ပွင့်ခဲ့တာ ကမ္ဘာအသိပါ ညီမရယ်။ ရန်ကုန်မြို့ ကမ္ဘာအေး တိပိဋက ဆရာတော် ဥူးသုမင်္ဂလာ လင်္ကာရ ကတော့ သာသနာ့ အညွန့်အဖူးတွေ ပေါ်ဖို့ သာမဏေကျော် စီမံကိန်းကြီး ရေးဆွဲခဲ့တယ် မဟုတ်လား။ ဟော သီတဂူ ဆရာတော် ဘုရားကြီး ကလည်း စစ်ကိုင်း တောင်ရိုးမှာ သီတဂူ ကမ္ဘာ့ဗုဒ္ဓ တက္ကသိုလ်ကြီး တည်ထောင်လို့ သာသနာ့ အာဇာနည်တွေ တစ်ပါးပြီး တစ်ပါး မွေးထုတ်လို့ တာဝန် ကျေခဲ့ကြတယ် မဟုတ်လား။ စောစောက ရေးခဲ့သလို ဥကံ္ကမြို့ ဘုရားကြီးတိုက်ရဲ့ ဓမ္မစက် အောက်မှာရှိတဲ့ ရွာကလေး အကြောင်း ဆက်ကြဦးစို့ရဲ့။ အစ်ကို ရောက်သွားတဲ့ ရွာဟာ ဥက္ကံမြို့ အပိုင်က ဘုရားကြီးတိုက် ဓမ္မစက်ရောက်တဲ့ ပဋ္ဌာန်းကုန်း ဆိုတဲ့ရွာပါ။ တကယ်တော့ အဲဒီရွာဟာ ဥက္ကံမြို့ကနေ လှည်းဆင့်လိုက်ရင် နေ့ဝက်သာသာမို့ ခုလို ဆိုင်ကယ်ခေတ်၊ ထော်လာဂျီ ခေတ်မှာ သုံးနာရီသာသာ ခရီး ရယ်ပါ။ မြို့တော် ရန်ကုန်နဲ့ ဥက္ကံဟာ လေးနာရီသာ ကြာတာမို့ ရန်ကုန်ကနေ အဲဒီရွာကို မနက် ခြောက်နာရီလောက် ထွက်ရင် မွန်းလွဲ တစ်နာရီ မထိုးခင် ရောက်တာမို့ အဲသည်လောက် ခရီးလေးမှာ သာသနာ ကွယ်ရတော့မှာကို တော်တော် စိတ်မကောင်း ဖြစ်ရပြန်ပါတယ်။

ညီမရေ . . .
ဒီရွာဟာ အစ်ကို စာအစမှာ ရေးပြခဲ့သလို ကျောင်းကြီး ရခိုင်နဲ့ ကိုးတောင်ပြည့် စေတီကြီးနဲ့ပါ။ အခုတော့ ဒီရွာမှာ တို့ဘာသာဝင် အရေအတွက်ဟာ ဆယ်အိမ်တောင် မကျန်တော့ ဘူးတဲ့။ တို့ ဘာသာဝင်တွေ နည်းတာမို့ ရွာဦးကျောင်းက တောထွက် ရဟန်းကြီး ခမျာလည်း ဆွမ်းကွမ်း ခက်ရှာပေမပေါ့။ ရွာကလည်း ဆင်းရဲ၊ ရိုးမက ဆင်အုပ်ကလည်း သတင်းတွေထဲ ပါသလို နေ့နေ့ ညညဆိုတော့ ခမျာများမှာ ဘုရား တရားလည်း ဂရုစိုက်နိုင်ပုံ မရရှာပေဘူး။ ဒါပေသိ ပဌာန်းကုန်းက တောထွက် ရဟန်းကြီး ကတော့ သူ့နည်း သူ့ဟန်နဲ့ တုိ့ဘာသာ တို့သာသာနာ တော်ကြီးအတွက် နိုင်ရာတာဝန် ထမ်းနေပုံ ကတော့ အားကျစရာပါ။ ဥက္ကံမြို့က တရားခွေတွေ အလှူခံပြီးတော့ နံနက်တိုင်း ရွာဦး ကျောင်းကနေ တရားခွေတွေ ဖွင့်တယ်။ ဆွမ်းမရတဲ့ နေ့တွေ မှာတော့ မြို့က အလှူ ခံလာခဲ့တဲ့ ပေါက်မုန့်ခြောက်နဲ့ နို့ဆီ သုတ်စားပြီး အသက်ဆက် သာသနာ ပြုရ ရှာတယ်ကွယ်။ ၀ါတွင်းဆိုရင် ဆွမ်းကွမ်း လုံးလုံး မရတော့တဲ့ အပြင် ကျောင်းမှာ ဝေယျာဝစ္စ လုပ်မယ့် ဒကာတွေတောင် မရှိလေတော့ ရွာဦး ကျောင်းကြီးကို ပစ်ပြီး ဥက္ကံ ဘုရားကြီး တိုက်မှာ ကျောင်းသား တစ်ယောက်လောက် ၀ါတွင်းမှာ ရဖို့အရေး အတင်းအကြပ် တောင်းရရှာသတဲ့။

ညီမရေ....
တို့ရွာဦးမတော့ ကျောင်းကန်ဇရပ် စေတီနဲ့ တို့ဗုဒ္ဓဘာသာ ရဟန်းတော် တစ်ပါး ရှိနေသေးတယ် ဆိုတဲ့ အသိကလေး တို့ ဗုဒ္ဓဘာသာ ၀င်တွေ ရင်ထဲ ရောက်ဖို့ အခြားဘာသာ ၀င်တွေ ရင်ထဲမလဲ ဒီအရပ် ဒီဒေသ မှာတော့ ဗုဒ္ဓဘာသာ အောင်လံကြီး လွှင့်ထူထားပါလား ဆိုတဲ့ အသိလေး ရင်ထဲ ရောက်နိုင်ဖို့ ငတ်တစ်လှည့် ပြတ်တစ်လှည့်နဲ့ သာသနာ့ အောင်လံကြီးကို အနိုင်နိုင် လွှင့်နေရဆဲပါ။

ညီမရေ....
နိုင်ငံတကာမှာ သာသာနာ ပြုနိုင်ဖို့ အတွက် ဗုဒ္ဓစာပေ ပါရဂူတွေ တစ်ပါးပြီး တစ်ပါး တာစူနေ တာဟာ တို့ဘာသာ တုိ့သာသနာ အတွက်တော့ ၀မ်းမြောက်ပီတိ ဖြစ်ရပေမယ့်၊ ဒီရဟန်းတော် တွေကို မွေးထုတ် ပေးလိုက်တဲ့ ကျေးလက် တောနယ်တွေ မှာတော့ နောက်ထပ် သာသာနာ့ မျိုးဆက်တွေ မပေါ်တော့မယ် အခြေအနေ အတွက် ၀မ်းနည်း နေရဆဲပါ။ ဒီအခြေအနေ မှာတော့ ပုဂံခေတ်က ပုဂံပြည်ကြီးကို ကယ်တင်ဖို့အတွက် တရုတ်နိုင်ငံ ဧကရာဇ်ဆီ အရောက် သွားခဲ့တဲ့ ရှင်ဒိသာပါမောက် က “ပုဂံပြည်ကြီးကို ရေသွန်းလောင်း ပါဦး” လို့ ဆိုခဲ့သလို “သာသနာ့ ရေသောက်မြစ် တွေကို ရေသွန်းလောင်းကြပါဦး” လို့ သက်ဆိုင်ရာ ရဟန်းရှင်လူ အများကို တောင်းပန် လျှောက်ထားရင်း ဒီစာကို အဆုံးသတ်လိုက်ပါတယ် ညီမရေ…။

အစ်ကို
အောင်စည်ဟိန်း

+++++++++++++++++++++++++++++++++++++

ပေးဆပ်သူ ဘလော့မှ ဖတ်ရှု ကူးယူ မျှဝေအပ်ပါတယ် ခင်ဗျာ။


လေးစားစွာဖြင့်
ဖိုးသား

6/18/2009, THUR:, 12:07:23 PM

!--READ-MORE-STARTS-->

ဆက်လက်ဖတ်ရှုရန်.....

*ဘ၀စက်ဝိုင်းမှာ ခဏ half-time မရှိပါ*

အိပ်လို့မ၀သေးတဲ့
ငါ့မနက်ခင်းလေးမှာ
ညတုန်းက
ကင်းစောင့်တဲ့
လမင်းနဲ့ ကြယ်လေးတွေပြန်ပြီ။

နှိုးစက်မလိုဘဲ
စောစီးစွာထတဲ့ ငှက်တွေက
လောကကို လှုပ်နှိုး။

ဖိုးသူရိန်ကြီးကလည်း
အလုပ်ခွင်ဝင်ဖို့ ပြင်နေ။

စမ်းချောင်းလေးကလည်း
မစီးဆင်းသလိုနဲ့ အမြဲစီးဆင်း။

ငါတို့
နေထိုင်ရာ လောကထဲကို
အသစ်လာတဲ့ သူတွေလည်း
လာနေကြ။

ငါ့ရဲ့
ခန္ဓာကိုယ်ဖြစ်စဉ်ကလည်း
ငါ့ကို
တစ်ရက် ကြီးရင့်ခြင်းသို့ ခေါ်ဆောင်။

သံသရာခရီးကို
ကြိုသွားနှင့်သူတွေက
သွားကြပေါ့။

နာရီချက်တိုင်းနဲ့အတူ
ရာသီစက်ဝိုင်းက
ပုံမှန်လည်ပတ်နေခဲ့ပြီ။

ဒီဖြစ်စဉ်တွေဟာ
တစ်နေ့ထဲမဟုတ်ဘဲ
နေ့တိုင်းတွေ့မြဲပေါ့။

သူတို့လည်း
သူ့အလုပ်နဲ့ သူ
ကိုယ်လည်း
ကိုယ့်အလုပ်နဲ့ ကိုယ်
လည်ပတ်နေကြတဲ့
ဘ၀ယန္တရားမှာ
အော်...
ခဏ လမ်းသလားဖို့
အချိန်တောင် မရှိပါလား...။ ။

ဒီနှင်းနေ (TGI)

လေးစားစွာဖြင့်
ဖိုးသား

!--READ-MORE-STARTS-->

ဆက်လက်ဖတ်ရှုရန်.....

*ပေးဆပ်သူတို့ နှလုံးသား*

ကျွန်တော်တို့ ညီအစ်ကိုနှစ်ယောက်သည် တစ်ယောက်ကို တစ်ယောက် အလွန်ချစ်ကြသူများ ဖြစ်သည်။ အဖေနှင့်အမေ ကွယ်လွန်သွားချိန်မှစ၍ အစ်ကိုကြီးသည် ကျွန်တော့်အပေါ်တွင် အဖေလိုတစ်မျိုး အမေလိုတစ်သွယ် ပြုစု စောင့်ရှောက်ပေးခဲ့သည်။ အဖေနှင့်အမေ ချန်ထားခဲ့သော စီးပွားရေး လုပ်ငန်းများကို ပို၍တိုးပွားအောင် အစ်ကိုကြီးက ကြိုးစား လုပ်ဆောင်နိုင်ခဲ့ပြီး ကျွန်တော့်အား လူ့လောကတွင် လိုလေးသေးမရှိ မျက်နှာ မငယ်ရအောင် ပြုစု စောင့်ရှောက်ပေးခဲ့သည်။ အစ်ကိုကြီးသည် ပတ်ဝန်းကျင်က ချီးမွမ်း အားကျ ရလောက်အောင် ကျွန်တော့်အပေါ် တာဝန်ကျေခဲ့သည်။ ကျွန်တော်နှင့် အသက် ဆယ်နှစ်ခန့်ကွာသော အစ်ကိုကြီးသည် ကျွန်တော် ကျောင်းပြီးဘွဲ့ရ၍ အိမ်ထောင်ပြုချိန်ထိ လုံးဝအိမ်ထောင်မပြုဘဲ လူပျိုကြီးဘ၀နှင့် ကျွန်တော့်ကို ကျွေးမွေးစောင့်ရှောက်ခဲ့သည်။

ယခုကျွန်တော်၏ မင်္ဂလာပွဲတွင် လက်ဖွဲ့အနေဖြင့် အစ်ကိုကြီးသည် နောက်ဆုံးပေါ် ကားအသစ်စက်စက် တစ်စီးကို လက်ဖွဲ့၍ ဟန်းနီးမွန်းခရီး ထွက်စေခဲ့သည်။ ကျွန်တော်နှင့် ဇနီးသည်လည်း ဟန်းနီးမွန်းခရီး ထွက်လာရင်း ကားပေါ်တွင် ကျွန်တော်၏ ဇနီးသည်က ကျွန်တော့်အား

`မောင်ရဲ့အစ်ကိုကြီးက မောင့်အပေါ်မှာ တကယ်ကောင်းတာပဲနော်´

`အင်း ဟုတ်တယ် အမေနဲ့ အဖေမဆုံးခင်ကတည်းက ပဲခင်ရဲ့´

`ခင်ဖြင့် မောင့်အစ်ကိုကြီးက ဒီလောက်ကောင်းတဲ့ ကားကြီးကို လက်ဖွဲ့လိမ့်မယ်လို့ ယုံတောင်မယုံ နိုင်ဘူး´

`ခုယုံပြီမို့လား´ ဟုပြော၍ချစ်ဇနီး၏ မျက်နှာကို အစ်ကိုကြီးအတွက် ဂုဏ်ယူဝင့်ကြွားစွာ အပြုံးဖြင့် တစ်ချက် ကြည့်လိုက်ပြီး

`ခင် ဗိုက်ဆာနေပြီလား ရှေ့မှာမောင်ဒီဘက်ကို ခရီးထွက်တိုင်း စားနေကျ ဆိုင်ကောင်းကောင်းလေး ရှိတယ်၊ အဲဒီမှာပဲ စားလိုက်တော့မယ်နော်´

`အင်း မောင်ကောင်းသလိုစီစဉ်ပါ´ ဟုဆိုသောကြောင့် ကျွန်တော်တို့ လင်မယားလည်း ထမင်းဆိုင်လေးတွင် ကားရပ်ကာ ၀င်ရောက် စားသောက်ကြ လေသည်။ ထမင်းစားပြီး ဆယ်မိနစ်ခန့် ထမင်းလုံးစီကာ နားပြီးနောက် ဆက်လက် ခရီးထွက်ရန် ကျွန်တော်တို့လင်မယား ဆိုင်အပြင် ကားဆီသို့ လျှောက်လှမ်းလာရာ ကျွန်တော် တို့ကားအနီးတွင် ကလေးငယ် တစ်ဦးကို တွေ့လိုက်ရလေသည်။ ထိုကလေးငယ်သည် အနည်းငယ် ဆင်းဆင်းရဲရဲ ပုံစံ ၀တ်ဆင်ထားပြီး ကျွန်တော်တို့ ကားလေးအား တအံတသြ အငမ်းမရ လှည့်ပတ်ငေးမော ကြည့်ရှုနေလေ သည်။ ကျွန်တော်လည်း ကလေးငယ်အား တရင်းတနှီး နှုတ်ဆက် မေးမြန်းလိုက်လေသည်။

`ဟေ့ချာတိတ် မင်းက ဒီကားကိုသဘောကျလို့လားကွ´

`ဟုတ် ဒီကားက အစ်ကို့ကားလားဗျ ကျွန်တော် အရမ်းစီးကြည့်ချင်လိုက်တာဗျာ´ ဟုမျက်နှာငယ်လေးနှင့် ဆိုရှာလေသည်။

`အေးကွ ဒီကားက အစ်ကို့ကို အစ်ကို့ရဲ့ အစ်ကိုကြီးက မင်္ဂလာ လက်ဖွဲ့အနေနဲ့ ၀ယ်ပေးတာကွ´ လို့ဆိုတော့ ကလေးငယ်က အံသြသော အားကျသော မျက်လုံးများနှင့် ကျွန်တော့်အား

`ဒါဆို အစ်ကိုကြီးက ဒီကားကို ပိုက်ဆံတစ်ပြားမှ မကုန်ဘဲနဲ့ ရထားတာ ပေါ့နော်၊ အရမ်းအားကျဖို့ ကောင်းတာပဲဗျာ´

`အေးပေါ့ကွ´ ဟု ကျွန်တော်က ဆိုလိုက်လေရာ ကလေးငယ်သည် `အင်း´ ဟုသက်ပြင်းရှည်ကြီးချ၍ ကျွန်တော် မထင်မှတ် ထားသော စကားအား ပြောချလိုက်လေရာ ဒီတစ်ခါ အံသြသွားရသူမှာ ကျွန်တော် ဖြစ်သွား လေသည်။ ကလေးငယ် ပြောလိုက်သောစကားမှာ

`ကျွန်တော်လည်း အဲဒီလို အစ်ကိုကြီးမျိုး ဖြစ်ချင်လိုက်တာဗျာ´ တဲ့။

ကျွန်တော် လည်းကလေးငယ်၏ မျက်နှာကို စေ့စေ့ကြည့်၍ သနားသွားပြီး သူ့အား

`ချာတိတ် မင်းဒီကားကို မြို့တစ်ပတ်လောက်မစီးကြည့်ချင်ဘူးလား´

ကလေးငယ်လည်းဝမ်းသာအား ရဖြင့်

`အစ်ကို တစ်ကယ်ပြောတာလား ဒါဆို ကျွန်တော့်အိမ်ကို အရင်မောင်းပေးပါလား အိမ်ခဏ၀င်ပြီး ညီလေး ကိုလည်း ပေးစီးချင်လို့ပါ´

ဟု ဆိုသောကြောင့် ကျွန်တော်လည်း ကလေးငယ်အား တင်ဆောင်၍ ထိုကလေးငယ်၏ လမ်းပြမှုဖြင့် သူ့အိမ်သို့ အရောက်တွင် ကလေးငယ်သည် ကားပေါ်မှ ဆင်းကာ ညီလေးရေ ညီလေးရေဟု တကြော်ကြော် အော်ခေါ်ကာ အိမ်ပေါ်သို့ အလျင်အမြန် ပြေးတက်သွားလေသည်။ ထ်ို့နောက် အိမ်ပေါ်မှပြန်ဆင်း အလာတွင် သူသည် ခြေထောက် မသန်စွမ်းသော ကလေးတစ်ဦးအား ချီကာ ကျွန်တော်တို့ ကားဆီသို့လျှောက် လာပြီး သူ၏ညီငယ်အား

`ညီလေးရေ ဒီကားက ဟောဒီ အစ်ကိုရဲ့အစ်ကိုကြီးက ၀ယ်ပေးတာတဲ့ ကိုကြီးလည်း တစ်နေ့ကျရင် ဒီလိုကားမျိုး ညီလေးစီးဖို့ ၀ယ်ပေးမယ်လို့ ကတိပေးတယ်နော် ကိုကြီး ကြိုးစားမယ်သိလား´

ဟု စိတ်အား ထက်သန်စွာပြောဆိုပြီး ကျွန်တော်လည်း သူတို့ ညီအစ်ကိုနှစ်ယောက်နှင့် အတူ မြို့တစ်ပါတ် လျှောက်လည်အပြီး ဟန်းနီးမွန်း ခရီးတစ်လျှောက်လုံးတွင် ကျွန်တော့် အစ်ကိုကြီး၏ ကျေးဇူးမျက်နှာကို မြင်ယောင်ပြီး ရယူခြင်းမှရရှိသော ပီတိထက် ပေးဆပ်ခြင်းမှ ရရှိသော ပိတိသည် ပို၍ချိုမြိန် အရသာ ရှိကြောင်းကို နားလည်ခံစား သိရှိလိုက်ရ ပါတော့သည်။

+++++++++++++++++++++++++++++++++++++

ဒီ အကြောင်းအရာ လေးကိုတော့ ကျွန်တော် ဖတ်ဖူးခဲ့တာ ကြာပါပြီ။ ဆရာဖေမြင့်ရေးတဲ့ စာအုပ် တစ်အုပ်ကပါ။ စာအုပ်နာမည်တော့ မမှတ်မိတော့ ပါဘူး။ “နှလုံးသား အာဟာရ” ပဲထင်ပါတယ်။ နံပါတ်စဉ်လည်း မေ့သွားပါပြီ။ အခု အကြောင်း အရာလေးက ဆရာဖေမြင့်ရေးတဲ့ စာအုပ်နဲ့ အရေးအသား အနည်းငယ် ကွဲပေမယ့် သဘောတရား ကတော့ အတူတူပါပဲ။ မေးကနေ ရလာတဲ့ ဒီအကြောင်းလေးကို ပြန်ဖတ်မိတော့ အစ်ကို အရင်းနဲ့ မခြား ကျွန်တော့်အပေါ် ကောင်းခဲ့တဲ့ ကျွန်တော့်ရဲ့ ဖအေတူ မအေကွဲ အစ်ကိုရဲ့ ကျေးဇူးတွေကို ပြန်ပြောင်း သတိရမိသွားတယ်။ အကြိမ်ကြိမ်လည်း ကျေးဇူးတင်လို့ ဦးခိုက်မိပါရဲ့ဗျာ…။

ဓမ္မမောင်နှမတို့ကိုလည်း ပေးဆပ်ခြင်းရဲ့ အရာသာကို ခံစားနိုင်စေခြင်းငှာ ဒီပို့စ်လေးကို မျှဝေလိုက်ပါတယ်။ ဓမ္မမောင်နှမတို့ မိမိတို့ရဲ့ ဆွေမျိုး သားချင်း အတွက်သာမက လောကကြီးအတွက်ပါ ပေးဆပ်တတ်သူများ ဖြစ်နိုင်ကြပါစေ။ ဖြစ်အောင်လည်း အားထုတ်နိုင်ပါစေ။


စာရှုသူ ဓမ္မမိတ်ဆွေတို့ အကျိုးကို အစဉ်မျှော်ကိုးလျက်
လေးစားစွာဖြင့်
ဖိုးသား

6/15/2009, MON:, 1:00:00 AM

!--READ-MORE-STARTS-->

ဆက်လက်ဖတ်ရှုရန်.....

*Life*

Life


When life is an opportunity, benefit from it.

When life is a beauty, appreciate it.

When life is a dream, realize it.

When life a challenge, meet it.

When life is a duty, perform it.

When life is a journey, complete it.

When life is a mystery, unfold it.

When life is a problem, solve it.

When life is a milestone, keep it in view.

When life is a bliss, taste it.

When life is a game, play it.

When life is a promise, fulfill it.

When life is a sorrow, overcome it.

When life is a song, sing it.

When life is a struggle, accept it.

When life is a tragedy, confront it.

When life is an adventure, dare it.

When life is luck, make it.

When life is life, fight for it.

မေးကနေ ရရှိလာတဲ့ ကဗျာလေးကို ကိုလေလွှင့်သူ ဘလော့မှာ ဖော်ပြထားတဲ့ ကဗျာလေးနဲ့ ပေါင်းစပ်လို့ ထပ်လောင်း မျှဝေအပ်ပါတယ် ခင်ဗျာ…။

လေးစားစွာဖြင့်
ဖိုးသား

6/13/2009, SAT:, 1:32:39 PM !--READ-MORE-STARTS-->

ဆက်လက်ဖတ်ရှုရန်.....

*ဆပ်ပြာတစ်တုံး*

နော်မန်ဂေါ့တ်စ်သည် မတ်လညနေခင်းတစ်ခုတွင် ပန်ခြံက ခုံတန်းလေးပေါ်မှာ ထိုင်လိုက်သည်။ နေ၀င်ရီတရောဆိုသည့် အချိန်သည် ဂေါ့တ်စ်ဘီအတွက် စိတ်ဓာတ်ကျစေသည့် အချိန်များဖြစ်သည်။

သူထိုင်နေသည့် ခုံတန်းပေါ်တွင် လူတစ်ယောက် ထိုင်နေသည်။ ထိုသူ၏ အင်္ကျီမှာ သေသေသပ်သပ် ရှိသော်လည်း အနည်းငယ်ဟောင်းနွမ်း နေသည်။ မကြာမီ ထိုသူသည် သူ့နေရာမှ ထထွက်သွားသည်။ တခဏအတွင်းမှာပင် ထိုသူသည် အမှောင်ရိပ်ထဲ ပျောက်ကွယ်သွားသည်။ ထိုသူ ထွက်သွားပြီးနောက် ထိုသူ့နေရာတွင် မိန်းကလေးတစ်ယောက် လာရောက် ထိုင်လေသည်။ ထိုမိန်းကလေးသည် ၀တ်ကောင်းစားလှ ၀တ်ထားသော်လည်း သူမ၏ မျက်နှာတွင် စိတ်ပျက်သည့်ပုံစံ ပေါက်နေသည်။

“ခင်ဗျားကြည့်ရတာ ရွှင်လန်းပုံမပေါ်ဘူး” ဂေါ့တ်စ်ဘီက ထိုမိန်းကလေးကိုပြောလိုက်သည်။ ထိုမိန်းကလေးသည် သူဘက်လှည့်၍ ပြော လိုက်သည်။

“ရှင်သာ ကျွန်မနေရာမှာဆိုရင် ရွှင်လန်းမှာမဟုတ်ဘူး။ကျွန်မ ကမ္ဘာပေါ်မှာ အမိုက်မဲဆုံး အလုပ်တစ်ခုလုပ်ခဲ့ပြီ”

“ခင်ဗျားက ဘာလုပ်ခဲ့လို့လဲ”
ဂေါ့တ်စ်ဘီက မေးလိုက်သည်။

“ကျွန်မလန်ဒန်မြို့ပေါ် မနက်ကမှ ရောက်လာတာပါ။ ဘတ်ရှိုင်းယားက ပတ်တက်ဂွန်နီယန် ဟိုတယ်မှာနေဖို့ စိတ်ကူးလိုက်တယ်။ ဒါပေ မယ့် ကျွန်မ ဘတ်ရှိုင်ယားကို ရောက်တော့ ပတ်တက်ဂွန်နီယန် ဟိုတယ်မရှိတော့ဘဲ သူနေရာမှာ ရုပ်ရှင်ရုံကြီးတစ်ခု ဆောက်ထား တယ်။ ဒါနဲ့ဒရိုင်ဘာကလည်း ကျွန်မကို ကျွန်မနေလို့ရမယ့် ဟိုတယ်ကို ပို့ပေးလိုက်တယ်။ ကျွန်မလည်း ကျွန်မသူငယ်ချင်းတွေကို စာတစ်စောင် ရေးပြီး ကျွန်မနေတဲ့ ဟိုတယ်ရဲ့ လိပ်စာကိုပေးလိုက်တယ်။ ပြီးတော့ ကျွန်မလည်း အပြင်ထွက်ပြီးတော့ ဆပ်ပြာသွားဝယ်တယ်။ ကျွန်မက ဟိုတယ်ဆပ်ပြာကို မကြိုက်ဘူးလေ။ ဒါကြောင့် ကျွန်မလည်း ဆိုင်တစ်ဆိုင်ဝင်ပြီး အအေးသောက်တယ်။ ပြီးတော့ ဆပ်ပြာသွားဝယ်တယ်။ ဆပ်ပြာဝယ်ပြီးတော့ ကျွန်မဟိုတယ်ပြန်ဖို့ ခြေဦးလှည့်လိုက်တော့ ကျွန်မဟာ ဟိုတယ်ဘယ်မှာရှိလဲ ဆိုတာကော။ ကျွန်မအခုရောက်နေတဲ့ လမ်းနာမည်ကော မေ့သွားတယ်။ ကျွန်မ သူငယ်ချင်း တွေကဆီက ပိုက်ဆံတောင်းပြီး သူတို့နဲအတူ တူနေလို့ ရပေမယ့် ကျွန်မသူငယ်ချင်းတွေက မနက်ဖြန်မှ ကျွန်မစာရမှာ။ အခုကျွန်မမှာ ကျန်တဲ့ ပိုက်ဆံနှစ်ပြားနဲ့ ဒီညဘယ်လို နေရမလဲ”

“ခင်ဗျားဆီမှာ ဆပ်ပြာရှိသေးလား”
ဂေါ့တ်စ်ဘီက မေးလိုက်သည်။ ထိုမိန်းကလေးသည် သူမ အင်္ကျီထဲလက်နှိုက်၍ရှာကြည့်သည်။ ထိုနောက် သူမသည် ဂေါ့တ်စ်ဘီသို့ စိတ်တိုစွာ ပြောလိုက်သည်။

“အခုကျွန်မရှင့်ကို လိမ်တမ်းစကားတစ်ခု ပြောလိုက်တယ်လို့ထင်သွားလား”

“သိပ်တော့မထူးဆန်းပါဘူး”
ဂေါ့တ်စ်ဘီကပြောလိုက်သည်။

“ကျွန်တော်လည်း ခင်ဗျားလို နိုင်ငံခြားမှာဖြစ်ခဲ့ဖူးတာပဲ။ အဲဒီ တုန်းက ကျွန်တော်နဲ့ ကျွန်တော် သူငယ်ချင်းနဲ့ သွားကြတာ။ ဒါပေမယ့် ကံကောင်းလို့ ဟိုတယ်ရဲ့ နေရာမှတ်မိသွားပြီး အဲ့ဒီ မှာရှာတွေ့သွားတယ်”

“နိုင်ငံခြားမှာဆိုရင် လွယ်တာပေါ့။ ကျွန်မ သံအရာရှိကိုရှာပြီး သူဆီကအကူအညီ တောင်း လိုရတာပေါ့။ ဒီမှာသာဆိုရင်တော့ ကျွန်မဟာ ကျွန်မပုံပြင်ကိုယုံပြီး ကျွန်မကို ငွေချေးပေး မယ့်သူဆီက ငွေချးရင်ချေး၊ ဒါမှမဟုတ်ရင် သိမ်းမြစ်ကမ်းဘေးမှာ အချိန်ဖြုန်းရမှာပဲ။” ထို မိန်းကလေးကပြောလိုက်သည်။

“ခင်ဗျားပုံပြင်ရဲ့ အားနည်းချက်က ခင်ဗျားမှာ သက်သေပြစရာ ဆပ်ပြာတုံး မရှိဘူးဖြစ် နေတယ်။ ဟိုတယ်တစ်ခုမှာ တစ်ညစာနေ ထိုင်ဖို့ ပိုက်ဆံနဲ့ ဆပ်ပြာဆုံးရှုံးရတာ ပေါ့ဆမှုတစ်ခုပဲ။” ထိုစကားကိုကြားရသောအခါ ထိုမိန်းကလေးသည် ခေါင်းကိုငုံ့၍ စိတ်ပျက်လက် ပျက် ထွက်သွားလေသည်။

“သနားဖို့ကောင်းတယ်” ဂေါ့တ်စ်ဘီက ပြောလိုက်သည်။ “ငါဆီက ပိုက်ဆံလိမ်ယူဖို့ အစစအရာရာ သေသေချာချာ ပြင်ဆင်ထားပါလျက်နဲ့ သက်သေ ပြစရာ ဆပ်ပြာတုံးမရှိရှာဘူး။ တကယ်လို့ သူသာ ဆပ်ပြာတစ်တုံးလောက် ၀ယ်ထားပြီး သေသေချာချာ လိမ်ညာနိုင်မယ်ဆိုရင် သူဟာဥာဏ်ကြီးရှင်ဖြစ်သွားပြီး”

ဂေါ့တ်စ်ဘီသည် ထိုသို့ပြောပြီး ထထွက်ရန် ပြင်ဆင်လုိုက်စဉ် သူအားလိမ်ညာခဲ့သော မိန်းခလေး၏ နေရာအောက်တွင် ဆပ်ပြာတစ်တုံးကို တွေ့လိုက်သည်။ ထိုဆပ်ပြာတုံးသည် ထို မိန်းကလေးထိုင်စဉ်တွင် ကျကျန်ရစ်ခဲ့သော ဆပ်ပြာဖြစ်မည်ဟု ဂေါ့တ်စ်ဘီ တွေးလိုက်သည်။

ထို့ကြောင့် ဂေါ့တ်စ်ဘီသည် ပန်းခြံမှ လျင်မြန်စွာထွက်၍ ထိုမိန်းကလေးကို လိုက်ရှာသည်။ သို့သော် မတွေ့။ ထို့ကြောင့် ထို့မိန်းကလေးကို မရှာတော့ဘဲ အိမ်ပြန်ရန် စိတ်ကူးစဉ် ကားဂိတ်မှာကားကို ရပ်စောင့်နေသော မိန်းကလေးကို တွေ့လိုက်ရသည်။ ထို့ကြောင့် ဂေါ့တ်စ်ဘီ သည်ထိုမိန်းကလေးဆီ သွား၍ပြောလိုက်သည်။

“ခင်ဗျား ပုံပြင်ကို အစက ကျွန်တော်မယုံပေမယ့် ခင်ဗျားဆပ်ပြာကို ကျွန်တော်တွေ့မှပဲ ယုံတော့တယ်” ဂေါ့တ်စ်ဘီက ဆပ်ပြာကို ကိုင်မြှောက်ရင်း ဆက်ပြောလိုက်သည်။

“ ဒီဆပ်ပြာဟာ ခင်ဗျားထိုင်လိုက်တုန်းမှာ ခင်ဗျားအင်္ကျီအိတ်ထဲက ထွက်ကျလာတာ ဖြစ်ရမယ်။ ကျွန်တော် ခင်ဗျား ပုံပြင်ကို မယုံမိလိုက်တဲ့အတွက် တောင်းပန်ပါတယ်။ ဒါဟာ ခင်ဗျား ဒီည ဟိုတယ်ခ ငှားဖို့ပိုက်ဆံပါ”

ထို့မိန်းကလေးသည် ဂေါ့တ်စ်ဘီ၏ ပိုက်ဆံကိုယူ၍ အင်္ကျီအိတ်ထဲ ထည့်လိုက်သည်။ “ဒါ ကျွန်တော် နာမည်နဲ့ အိမ်လိပ်စာပါ။” ဂေါ့တ်စ် ဘီက ဆက်ပြောသည်။ “ခင်ဗျားကြိုက်တဲ့ အချိန်မှာ ကျွန်တော့်ကို ပြန်ပေးလို့ရတယ်။ ပြီးတော့ ဒီမှာ ခင်ဗျားဆပ်ပြာပါ။ ဒါကို မပျောက်ပါစေနဲ့”

“ရှင်ဆပ်ပြာကို ရှာတွေ့တာ အရမ်းကံကောင်းတာပဲ” ထိုမိန်းခလေးက ပြောလိုက်သည်။ “ကျေးဇူးပါပဲ” ထို့နောက် ဂေါ့တ်စ်ဘီသည် သူ့နဂို နေရာသို့ ပြန်လျှောက်လာသည်။ သူနေရာသုို့ပြန်ရောက် သောအခါ ထိုမိန်းကလေး မထိုင်ခင် ထိုင်သွားခဲ့သောလူသည် ခုံတန်းအောက်တွင် ပစ္စည်းတစ်ခု ရာနေသည်ကို တွေ့လိုက်ရသည်။

“လူကြီးမင်း ဘာပစ္စည်းရှာနေပါလဲ” ကျွန်တော် ဆပ်ပြာတစ်တုံးကို ရှာနေတာပါ” ထိုသူက ပြန်ပြောလိုက်သည်။

+++++++++++++++++++++++++++++++

ဒီအကြောင်း အရာလေးကနေ တရားနဲ့ယှဉ်တဲ့ အတွေးအမြင်တွေ ရရှိပြီး တရားနဲ့ညီတဲ့ အလုပ်တွေ လုပ်ဆောင် ကျင့်ကြံနိုင်ကြပါစေ။

လေးစားစွာဖြင့်
ဖိုးသား

5/28/2009, THUR:, 8:05:18 PM

!--READ-MORE-STARTS-->

ဆက်လက်ဖတ်ရှုရန်.....

*သူ့မှာတမ်းနှင့် ငါ၏မှာတမ်း*

*သူ့မှာတမ်း*

အားပါးပါး တော်သေးတာပေါ့။ ရေးမယ်လို့ ခေါင်းစဉ်တပ်ပြီးမှ ပထမဆုံး အပိုဒ်ကို မေ့သွားတာ၊ memory မနည်း ပြန်ခေါ်လိုက်ရတယ်။ ဒီကဗျာလေးက ကျွန်တော်တို့ ပထမနှစ်တုန်းက သင်ခဲ့ရတဲ့ ကဗျာလေး။ တအားကြိုက်မိတယ်။ အရေးအသား လေးလုံးစပ်လေးနဲ့ ကာရန်ယူပုံကော၊ နောက် အကြောင်းအရာကော။ ကျွန်တော်ကတော့ ကြိုက်မိရင် အလွတ်ကို ကျက်ထားလိုက်တော့တာ။ ရေးသူက ဆရာကြီး မင်းသုဝဏ်ထင်တယ်။ ကျွန်တော့်လိုပဲ ကွမ်းခြံကုန်းသား.. ကြွားတာ ဟဲ ဟဲ။ ခံစားကြည့်ပါဦး။

သူတို့အဆုတ်၊ ထားခဲ့မြှုပ်သည့်

ဗုံးငုတ်တိုက်မှား၊ မောင်ပြောက်ကျားအား
ရွာသားရွာသူ၊ မေးကြမြူသည်
အူအူယမ်းငွေ့ ထတုန်းတည်း။

အမောင်ပြောက်ကျား၊ မိဖအားကို
ဘာများမှာကြားလိုသနည်း။

မွေးသည့်မိခင်၊ ကျွေးဖခင်အား
ဦးတင်ခဲ့ကြောင်းပြောပါလေ။

အမောင်ပြောက်ကျား၊ ချစ်သူအားကို
ဘာများမှာကြားလိုသနည်း။

ငယ်ကကြင်မြတ်၊ မိသတ်မှတ်ကို
ခွင့်လွှတ်ခဲ့ကြောင်းပြောပါလေ။

အမောင်ပြောက်ကျား၊ တိုင်းပြည်အားကို
ဘာများမှာကြားလိုသနည်း။

ခရီးမတ်တပ်၊ လမ်းခုလတ်တွင်
ကိုယ်လွတ်ရှောင်ခွါ၊ ခွဲရပါ၍
အားနာခဲ့ကြောင်းပြောပါလေ။

ယမ်းငွေ့အူအူ၊ တလူလူနှင့်
မေးမြူကြတုန်း၊ အနောက်ကုန်းဝယ်
နေလုံးကွယ်လေပြီတကား။ ။

>>> တိုင်းပြည်အတွက် မှာကြားချက်လေး ရေးဖွဲ့ထားတာကို အကြိုက်ဆုံးပဲဗျာ။

လေးစားစွာဖြင့်
ဖိုးသား

13.01.2009, TUE:, 02:48:52 AM

*************************************************

*ငါ၏မှာတမ်း*

အရှင်ဝိဇ္ဇောတ (ဓမ္မဒူတ)

လူတို့ဖြစ်လာ၊ ဤမြေကမ္ဘာဝယ်

‘၀ိဇ္ဇာ’ သိပ္ပ၊ ဤနှစ်ဝကို
ဘ၀ဆက်ရေး၊ စားသောက်ရေးနဲ့
နေရေးစသည်၊ အလီလီတွက်
သင်သည်သင်မှု၊ ကောင်းစွာပြုလော့။

ဤသို့သင်လေ၊ သင်နေပေငြား
သင်ပြီးငြားက၊ ရှာထားပစ္စည်း
ငွေလက်သီးအောင်၊
ကျင့်ဆောင်ပါလေ၊ ကျင့်နိုင်စေ။

ထိုသို့များစွာ၊ ရှာဖွေရာလည်း
ဉာဏ်မှာထင်မှတ်၊ ငါသင်အပ်သော်
မကပ်လော ‘ဇော’ ၊ ဒေါသဇောနှင့်
စိတ်ရောကိုယ်ပါ၊ မောဟခွါလျက်
ရှာဖွေတတ်စေ၊ သိမှတ်လေ။

ထိုသို့များများ၊ ရှာဖွေငြားမှ
များများကောင်းကျိုး၊ လောကကျိုးနှင့်
များကျိုးအတွက်၊ သင်ရွက်နိုင်မည်
ထမ်းနိုင်မည်ပ၊ လိုသည်ကတော့
များလှပစ္စည်း၊ ရှာဖွေပြီးက
မငြီးမကွန့်၊ သင်မတွန့်ဘဲ
များစွာစွန့်ချေ၊ ထပ်သိစေ။

ထိုမှ ‘တ’ ဆင့်၊ ထပ်လောင်းဆင့်သော်
ရှိသင့်ရှိအပ်၊ သင့်ဘ၀င်ထက်ဝယ်
မပျက်သီလ၊ ကျင့်ဌာနကို
သင်ကကျင့်စေ၊ စွမ်းနိုင်စေ။

ဤသို့သီးသီး၊ သင်စွမ်းပြီးက
ပျက်စီးခန္ဓာ၊ စဉ်အလာကို
ကောင်းစွာနှလုံး၊ သင်မွေ့ထုံးလျက်
မပျက်သုဉ်းခင်၊ အဆုံးဖြစ်ပျက်
မြင်တွေ့အပ်အောင်
သင်ထပ်ကျင့်လေ၊ ကျင့်နိုင်စေ။ ။

>>> ဒီကဗျာလေးကတော့ ဖိုးသားကို သွန်သင်ဆုံးမပေးနေတဲ့ ဦးဇင်းဝိဇ္ဇောတရဲ့ ဘွဲ့တော်လေးကို ပူဇော်သမှုနဲ့ ရေးစပ်လိုက်ခြင်းပါ။

>>> အားလုံးသော ဓမ္မမိတ်ဆွေများ ဖတ်တဲ့အတိုင်းလည်းသိ၊ သိတဲ့အတိုင်းလည်းကျင့်၊ ကျင့်တဲ့အတိုင်းလည်း ရနိုင်ကြပါစေ။

လေးစားရိုသေစွာဖြင့်
ဖိုးသား

18.01.2009, SUN:, 04:57:09 AM !--READ-MORE-STARTS-->

ဆက်လက်ဖတ်ရှုရန်.....

*ငါး*

လှိုင်းတွေက ထန်တာလား၊

တံငါသည်က မိုက်တာလား၊

ကံဆိုးလိုက်တဲ့ ငါး။



အသက်နဲ့ရင်းတာက တံငါ၊

အသက်ပေးရတော့ ငါး၊

မကြားဝံ့မနာသာ၊

ဈေးဆစ်ကြတာက သူတို့။



ကဲ... ဒီတော့

ရေစီးကပဲ ကြမ်းတာလား၊

ကမ်းပါးကပဲ နုတာလား၊

ဟိုမှာတော့ သောင်ထွန်း၊

ဒီမှာကျ ကမ်းပြို၊

အချိန်ကိုတော့ တိုလို့တဲ့၊

ခုတော့... နေညိုနေပြီလေ။ ။



သုခရိပ်

ကိုသုခရိပ် ရေးစပ်ထားတဲ့ ကဗျာလေးပါ... ရွှေပြည်သူ ဘလော့ကနေ ကူးယူ ဖော်ပြလိုက်ပါတယ်... ဖတ်လေလေ အဓိပ္ပါယ် ပြည့်လေပါပဲ...

လေးစားစွာဖြင့်
ဖိုးသား

14.02.2009, SAT:, 02:48:43 AM

!--READ-MORE-STARTS-->

ဆက်လက်ဖတ်ရှုရန်.....

*လာခြင်းဆိုးသော ဧည့်သည်*

အုဝဲ… အုဝဲ… အုဝဲ

အော် စိတ်မချမ်းသာ လိုက်တာ.. ငိုနေလိုက်ပုံများ.. လောက အလယ်ကို ခုမှပဲ စတင်လို့ ရောက်ရှိလာတယ်၊ ရောက်ရှိလာပုံက အငိုလေးနဲ့ စလို့.. မိဘတွေ ခမျာတော့ ပြုံးပျော်ရှာမပေါ့လေ.. မိခင်ဆိုရင်လည်း ကိုယ်နဲ့ လွယ်မွေး ထားရတဲ့ သားသမီးမို့လို့၊ ဖခင်ဆိုရင်လည်း အော်ငါ့သွေး ငါ့သားဆို ပြီးတော့.. ငါစွဲလေးတွေနဲ့ ငါမပိုင်တာကို ငါပိုင်လုပ်ပုံလေးကို ပြောပါတယ်.. နောက်တစ်ခုက လောကအလယ် ခုမှရောက်လာတဲ့ လူမမယ် ကလေးငယ်ရဲ့ အငိုလေးနဲ့စလို့ ရောက်ရှိ လာပုံလေးလေ.. စလာကတည်းက လာခြင်းက မကောင်းတော့ဘူး..

ဘာဖြစ်လို့များ ငါမပိုင်တာပါလိမ့်.. ငါမဆိုင်တာပါလိမ့်.. ငါကမွေးတာ ငါ့သားသမီးမဟုတ်ပါလိမ့်.. ငါယူထားတဲ့ ဇနီး ဘာလို့များ ငါ့ဇနီး မဟုတ်တာပါလိမ့်.. ငါ့ကိုမွေးတဲ့မိဘ ဘာလို့များ ငါ့မိဘ မဟုတ်တာပါလိမ့်..

လောကကြီးမှာက ငါ၊ သူတစ်ပါး၊ ယောကျာ်း၊ မိန်းမမှ မရှိပဲလေ၊ ခန္ဓာငါးပါး ရုပ်နာမ်တရားပဲ ရှိနေတာ၊ ရူပက္ခန္ဓာ(ရုပ်တရား)၊ ၀ိညာဏက္ခန္ဓာ(သိမှု - နာမ်တရား)၊ ဝေဒနက္ခန္ဓာ(ခံစားမှု - နာမ်တရား)၊ သညက္ခန္ဓာ (မှတ်သားမှု - နာမ်တရား) နဲ့နောက်ဆုံး သင်္ခါရက္ခန္ဓာ(ပြုပြင်မှု - နာမ်တရား).. ဒီခန္ဓာငါးပါးပဲလေ.. ပြန်ချုပ်လိုက်ရင်တော့ ရုပ်နာမ်နှစ်ပါးပေါ့..

ဒီတော့ကာ ဒီခန္ဓာငါးပါးကို ပိုင်ဆိုင်နေရတဲ့၊ လက်ဝယ်ရရှိနေကြတဲ့ ကျွန်တော်တို့တစ်တွေရဲ့ ဖြစ်စဉ်လေးကို လာခြင်းကောင်းသလား၊ လာခြင်းဆိုးသလား.. တစ်ချက်လောက် ပြောကြည့်လိုက်ရအောင်..

ကျွန်တော်တို့တစ်တွေ နေ့စဉ်နေ့စဉ် ကိုယ်နဲ့သက်ဆိုင်ရာ အလုပ်အမျိုးမျိုးကို ပြုလုပ်နေကြရတယ်နော်၊ တော်တော်များများကတော့ ငါ့သားဖို့ ငါ့မယားဖို့ ငါ့အမေဖို့ ငါ့အဖေဖို့ ငါ့ဖို့ ငါ့ညီဖို့ ငါ့ညီမဖို့… စသဖြင့်ပေါ့လေ ဒီလိုလေးတွေက မများဘူးလား.. များပါတယ်လေ.. ပြောရရင်တော့ လောကကြီးမှာ ငါပိုင်ငါဆိုင် မရှိဘူးဆိုတာကို မသိဘဲ နွားသာသာ ရုန်းနေကြတာပေါ့ဗျာ.. ဇာတ်လမ်းက အဲဒီကစတော့တာပဲခင်ဗျ.. ဘာလို့လဲဆိုတော့ ဒီနေရာမှာ မသိလို့ လုပ်တယ်လို့ ကျွန်တော်ပြောလိုက်တယ်နော်.. အဲဒီမှာ မသိတာက အ၀ိဇ္ဇာ၊ လုပ်တာက သင်္ခါရ.. ပဋိစ္စသမုပ္ပါဒ်နဲ့ ကြည့်မယ်ဆိုရင် အဲလိုသဘောဖြစ်ကော.. ဒီသဘောက လာခြင်းကောင်းတဲ့ သဘောမဟုတ်ဘူး.. နောင်တစ်ဖန် ခန္ဓာပြန်ဖြစ်စေမယ့် သဘော.. ပြောရရင် နောင်တစ်ဖန် မသာဖြစ်ဦးမယ်ဆိုတဲ့ သဘော.. ဒါက ကျွန်တော်ပြောတာ မဟုတ်ဘူးနော်.. မိုးကုတ်ဆရာတော် ဘုရားကြီးပြောတာ..

ဟုတ်ပြီ.. ဒီလိုမသိလို့ လုပ်ရင် နောက်ဘာတွေဆက်ဖြစ်ဦးမလဲ.. ဘယ်လို အကျိုးဆက်တွေ ခံစားရမလဲဆိုတော့..

မသိလို့လုပ်ခြင်းသည် ခန္ဓာငါးပါးကို နောင်တစ်ကြိမ် ပြန်ဖြစ်စေမယ့် အကြောင်းတရား၊ သစ္စာနယ်အနေနဲ့ ကြည့်ရင် သမုဒယသစ္စာ.. ဒီသမုဒယ သစ္စာဖြစ်ပြီဆိုရင်တော့ သူ့ရဲ့ အကျိုးဆက် ဒုက္ခသစ္စာ ဖြစ်ပြီသာ အောက်မေ့ပေတော့.. ၀ိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ.. ဆိုတဲ့ ခန္ဓာကြီးဖြစ်ကော.. ပါဠိတွေကို စာရှုသူ သိပ်မသိဘူးဆိုရင် (သိသူများကို မဆိုလိုပါ) အလွယ်ကတော့ ခုလက်ရှိ ကိုယ်ခန္ဓာကြီး ရထားတယ်လို့သာ မှတ်ပါဗျာ..

ဒီခန္ဓာငါးပါးကို လက်ဝယ်ပိုင်ဆိုင်ပြီဆိုကတည်းက ကောင်းသလား၊ ဆိုးသလား စဉ်းစားကြည့်လိုက်ရအောင်.. ဒီခန္ဓာကြီးက မနက်မိုးလင်းတာနဲ့ သူ့ကိုပြုစုဖို့ အချိုသပ်ပြီးခိုင်းတော့တာပဲ.. ငါ့ကိုမျက်နှာသစ်ပေး.. သွားတိုက်ပေး.. ရေချိုးပေး.. မုတ်ဆိတ်ရိတ်ပေး.. ဒါမျိုးတွေ စခိုင်းပြီ.. ပြီးတာနဲ့ ဟိုဟာစားချင်တယ်၊ ဒီဟာစားချင်တယ်.. ဖြစ်ပြန်ရော.. အဲဒါကိုမှ ကိုယ်တိုင်က မစားဘူးဆိုရင် ဗိုက်ထဲကနေ ဝေဒနာပေါင်းစုံက ဆန္ဒပြပါလေရော.. နောက်အလုပ်သွားရင်လည်း ဟိုအင်္ကျီမ၀တ်ချင်ဘူး.. ဒီအရောင်မကြိုက်ဘူး.. ဒီပုဆိုးဝတ်မယ်.. အားပါးပါး.. သူ့အလိုတွေက နည်းမှမနည်းတာ.. နောက် နေ့လယ်စာစားမယ်၊ ညစာစားမယ်၊ အိပ်မယ်.. အကုန်သူ့အလိုတွေပဲ လိုက်ဖြည့်နေရတာလေ.. ဒါက ကျွန်တော်အကြမ်းဖျဉ်းပြောတာနော်.. ချဲ့တွေးရင် ချဲ့တွေးသလောက် ဒုက္ခတွေချည်းပဲ.. ဘာလို့ဒုက္ခတွေလို့ပြောရသလဲ.. ခန္ဓာငါးပါးဆိုကတည်းက ဒုက္ခသစ္စာနယ်ထဲ ရောက်နေလို့လေ..

ဒီလိုဆိုတော့ ကျွန်တော်တို့တစ်တွေ ဒီလောကအလယ်ကို ဝေဒနာပေါင်းစုံနဲ့ ရောက်ရှိလာခြင်းဟာ လာခြင်းကောင်းလား၊ လာခြင်းဆိုးလား.. လာခြင်းဆိုးပေါ့ဗျာ.. ဒီလာခြင်းဆိုးကိုမှ နေခြင်းဆိုးနဲ့ နေကြရင်တော့ သေခြင်းဆိုးရုံမှတစ်ပါး အခြားမရှိတော့ပါဘူး.. ဘာကြောင့်သေခြင်းဆိုးလို့ ပြောရသလဲဆိုတော့ အပယ်သွားမယ့်သေခြင်းမို့လို့ပါပဲ..

ဒီလိုကျွန်တော်က ပြောတော့ အပယ်မသွားအောင် ဘာလုပ်ဖို့လိုလာပြီလဲ၊ ဘယ်လိုလုပ်ရမလဲလို့ မေးဖို့လိုမလာဘူးလား.. လိုတာပေါ့ဗျာ။ ဒီနေရာလေးမှာ ကျွန်တော်သိထားတာလေးကို တတ်သလောက်လေး ဆွေးနွေးပါ့မယ်.. မှားနေရင် ကျွန်တော့ကို ပြုပြင်လို့ သွန်သင် ပေးစေလိုပါတယ်ခင်ဗျာ။

ကျွန်တော်ဘယ်လို သိထားသလဲဆိုတော့ အပယ်မကျရောက်အောင် အရင်ဆုံး ဒိဋ္ဌိအရင်ဖြုတ်ရပါလိမ့်မယ်။ အဲလို ဒိဋ္ဌိကွာစေဖို့ အတွက် ဒိဋ္ဌိကွာကြောင်း တရားတွေ၊ သစ္စာတရားတွေကို ဟောပြောညွှန်ပြတတ်တဲ့ ကလျာဏမိတ္တ၊ မိတ်ကောင်း ဆွေကောင်း၊ ဆရာကောင်း သမားကောင်းကို ရှာရပါမယ်။ နောက်ပဋိစ္စသမုပ္ပါဒ်ကို နားလည်အောင် လုပ်ရပါမယ်။ ဒီလိုနားလည်နိုင်ဖို့ သစ္စာတရားကိုဟောပြော လမ်းညွှန်နိုင်တဲ့၊ လမ်းညွှန်တတ်တဲ့ ဆရာသမားဆီက သစ္စာတရားတွေကို နာကြားရပါမယ်။ ဒီလို ပဋိစ္စသမုပ္ပါဒ်ကို နားလည်ပြီဆိုမှ တရားကို စတင်အားထုတ်သင့်ပါတယ်။ ဒီနေရာမှာ ပဋိစ္စသမုပ္ပါဒ်ကို နားလည်ပြီးမှ တရားအားထုတ်သင့်တယ်လို့ ကျွန်တော်ပြောလိုပါတယ်။ ဘာလို့လဲလို့ အမေးရှိလာရင်.. ပဋိစ္စသမုပ္ပါဒ်ကို နားမလည်ဘဲ တရားအားထုတ်ရင် တရားမရနိုင်လို့ပါပဲ။ ဘုရားလက်ထက်က ရှင်ဆန္ဒ (မြင်းမြီးဆွဲ မောင်ဆန်) ကို သာဓက ယူပေါ့ဗျာ။

နည်းနည်း ဆက်လိုက်ရအောင်။ လောကကြီးမှာ အကြောင်းနဲ့ အကျိုးသားလျှင်ရှိပါတယ်၊ ပုဂ္ဂိုလ် သတ္တ၀ါရယ်လို့ မရှိပါဘူး၊ ဒီသဘောလေးကို ဉာဏ်နဲ့ ထိုးသွင်းသိ၊ ပိုင်းခြားသိရင် သက္ကာယ ဒိဋ္ဌိစင်ပါတယ်။ ဒီပုဂ္ဂိုလ် သတ္တ၀ါမရှိကြောင်းကို ဘုရားလက်ထက်က ဥပမာလေးနဲ့ ယှဉ်ထိုးလို့ ကြည့်လိုက်ရအောင်။

ဘုရားလက်ထက်က တိတ္ထိတွေက အနုရုဒ္ဓါ လို့ဘွဲ့အမည်ရတဲ့ ရဟန်းတစ်ပါးကို မေးတယ်တဲ့။ ဘာတွေမေးတာလဲဆိုတော့…

၁။ သတ္တ၀ါသေရင် ဖြစ်သေးသလား။
၂။ သတ္တ၀ါသေရင် မဖြစ်တော့ဘူးလား။
၃။ သတ္တ၀ါသေရင် ဖြစ်သည်တစ်လှည့် မဖြစ်သည်တစ်လှည့်လား။
၎။ သတ္တ၀ါသေရင် မဖြစ်သည်လည်း မဟုတ်၊ ဖြစ်သယောင်ယောင်လား။

ဒီမေးခွန်းလေးတွေ မေးတယ်တဲ့။ အဲဒီတော့ အမေးခံရတဲ့ ရှင်အနုရုဒ္ဓါကလည်း ကိုယ်တိုင်က ဒိဋ္ဌိမကွာသေး၊ အကြောင်းအကျိုးကိုလည်း နားလည်သဘောပေါက်မှု မရှိသေးတော့ *ဘုရားရှင်ကတော့ ဒီလိုမဟောဘူးကွာ* ဆိုတဲ့ အဖြေတစ်ခုပဲ ဖြေနိုင်တယ်တဲ့။ ဒီတော့ တိတ္ထိတွေက ဒီမထေရ်လေးကို ဒါလေးတောင် မသိဘူးလားဆိုတဲ့သဘောနဲ့ အပြစ်တင်ပြီး ပြန်သွားကြတာပေါ့။

အရှင်အနုရုဒ္ဓါလည်း မဖြစ်သေးပါဘူး.. နောက်ထပ် ဒီ့ထက်ခက်တဲ့ မေးခွန်းတွေ မေးလာရင် ငါဖြေနိုင်မှာ မဟုတ်ဘူး၊ ဘုရားရှင်ကို သွားလျှောက်မှ တော်ကာကျမယ် ဆိုပြီး ခုနအမေးလေးခုကို သွားလျှောက်သတဲ့၊ ဒီတော့ ဘုရားရှင်က လောကမှာ ပုဂ္ဂိုလ်သတ္တ၀ါရယ်လို့ မရှိ၊ အကြောင်းနဲ့ အကျိုးသာ ရှိကြောင်း.. စတဲ့ ဒိဋ္ဌိကွာစေကြောင်း တရားတွေနဲ့ သံသရာပြတ်ကြောင်းတရားတွေ ဒီမထေရ်လေး သဘောပေါက်အောင် ဟောကြားတော် မူလိုက်တယ်တဲ့။ ဒီလောက်ဆို ပုဂ္ဂိုလ် သတ္တ၀ါ မရှိဘူးဆိုတာ ရှင်းလောက်မယ်လို့ ထင်ပါတယ်။

နောက် လောကမှာ အကြောင်းနဲ့ အကျိုးသည် တစ်ခုနဲ့ တစ်ခု ဆက်စပ်နေတယ်။ အကြောင်းချည်းပဲ ဖြစ်တာလည်းမရှိ၊ အကျိုးချည်းပဲ ဖြစ်တာလည်းမရှိ၊ ဒီလို ဆက်စပ်နေတာကိုသိရင် သေရင်ပြတ်တယ်လို့ ယူဆထားတဲ့ ဥစ္ဆေဒဒိဋ္ဌိ စင်ပါတယ်။ နောက်တစ်ချက်.. အကြောင်းနဲ့ အကျိုးမှာ အကြောင်းချုပ်ပြီးမှ အကျိုးဆိုတာ ဖြစ်ပါတယ်။ တစ်ခုချုပ်ပြီးမှ တစ်ခုဖြစ်ပါတယ်။ ဒီသဘောလေးကို နားလည်ရင်လည်း ခိုင်တယ်၊ မြဲတယ်၊ ပျက်ဆီးခြင်းမရှိဘူးလို့ ယူဆထားတဲ့ သဿတဒိဋ္ဌိ စင်ပါတယ်။ အသေးစိတ် ထပ်သိချင်ရင်တော့ ကျွန်တော်ရေးခဲ့ပြီးဖြစ်တဲ့ လောကတွင် အသိသင့်ဆုံးသောအရာ မှာ ဖတ်ရှု နိုင်ပါတယ်။ ကြော်ငြာဝင်ခြင်းမဟုတ်ပါ။ သိစေချင်တဲ့၊ သိစေလိုတဲ့ စေတနာသက်သက်နဲ့ပါဗျာ။

ဒီလောက်ဆို ဒိဋ္ဌိမစင်သေးတဲ့ မိတ်ဆွေတို့လည်း ဒိဋ္ဌိအကြောင်းလေး သဘောပေါက်လောက်ပြီလို့ ယူဆပါတယ်။ ဒီလိုလေးတွေ တဖြည်းဖြည်း သိလာပါများရင်တော့ လာခြင်းဆိုးတဲ့ ဧည့်သည်ဖြစ်ခဲ့ပေမယ့် ပြန်ခြင်းတော့ ကောင်းနိုင်ကောင်းပါရဲ့။ ဒီလိုသိလာအောင်လည်း သိချင်တဲ့ စိတ်ဆန္ဒ ပြင်းပြဖို့ကလည်း လိုပါသေးတယ်။ သိလိုစိတ်ပေါ့လေ။ ဒီလိုမှမဟုတ်ဘဲ ကြွေးယူလိုက် ကြွေးဆပ်လိုက်နဲ့ ဒီလိုဘ၀ထဲမှာ ပျော်မွေ့နေရင်တော့ နောက်ထပ်လာခြင်းဆိုးတွေပဲ အတိုးပေါ် အတိုးဆင့်လို့ ထပ်ဖြစ်ပါလိမ့်မယ်။ ဇာတိတွေ ထပ်ကာထပ်ကာ ဖြစ်ပေါ်ပါလိမ့်မယ်။ ဇာတိထပ်ဖြစ်ပြီဆိုကတည်းက လာခြင်းဆိုးသွားပြန်ပါပြီ။ ဇရာတွေဖြစ်၊ ဗျာဓိ မရဏ ဒီဒုက္ခတွေပဲ ထပ်တလဲလဲ ဖြစ်နေတော့မှာလေ။

အော် ဇာတိ ဆိုလို့ ပြောလိုက်ဦးမယ်။ တရားအားထုတ်ရာမှာလည်း ဇရာနဲ့ ဗျာဓိကြားမှာ အားထုတ်ပါတဲ့၊ ဗျာဓိနဲ့ မရဏကြားရောက်မှ တရားအားထုတ်လို့ကတော့ သေခါနှီးမှ လမ်းလျှောက်သင်ချင်သလို ဖြစ်နေပါလိမ့်မယ်။ ဝေဒနာတွေ နှိပ်စက်နေပြီဆိုကတည်းက ဘယ်နည်းနဲ့မှ တရားအားထုတ်လို့ မရနိုင်ပါဘူး။ ပြောရရင်တော့ အိုမှုနဲ့ နာမှုကြားမှာ တရားအားထုတ်စေလိုတာပါပဲ။ နာမှုနဲ့ သေမှုကြားမှာတော့ အားထုတ်လို့ ဘယ်နည်းနဲ့မှ မဖြစ်နိုင်ပါဘူး။ ဒါလေးကလည်း မိုးကုတ်ဆရာတော် ဘုရားကြီး မိန့်ကြားသွားတဲ့ အလေးဂရုပြု မှတ်သားဖွယ် အချက်လေးပါပဲ။

*ပန်းကြွေတဲ့ လမ်း*

လေညင်းလေးရဲ့ အနမ်း
မခံနိုင်တဲ့ ပန်း
ကြွေစမ်းပါစေ
လောကဓံ လေညင်း
ဒေါသမာန် ထန်ပြင်းရင်တော့
ပိုခက်ပြီပေါ့...ပန်း။

သေခြင်းဝေးတဲ့ နန်း
စံနိုင်တဲ့ လမ်း
ရှည်စမ်းပါစေ
လောက အမှန် သေခြင်း
သဘောမကျ အမှန် ခံငြင်းချင်တော့
ကိုယ်ဆက်ပြီပေါ့ ...လမ်း။ ။

နောက်ဆုံး မှာချင်တာကတော့ဗျာ.. ဒီကဗျာထဲကလိုတော့ ပန်းကြွေတဲ့လမ်း ကိုတော့ ဆက်ပြီးမလျှောက်ကြပါနဲ့လား။ ကျွန်တော်တို့ တစ်တွေ မွေးကတည်းက ငိုခြင်းကို အဖော်ပြု၊ ခန္ဓာငါးပါးကို ရင်ဝယ်ပိုက်လို့ လာခြင်းမကောင်းခဲ့ပါဘူး။ လာခြင်းဆိုးတဲ့ ဧည့်သည်တွေ ဖြစ်ခဲ့ကြပါတယ်။ ဒီလာခြင်းဆိုးတာလေးကို ပြန်ခြင်းကောင်းအောင်တော့ မနာခင် မသေခင် အချိန်လေးမှာ ကြိုးစားသင့်လှပါတယ်။ ငိုခြင်းနဲ့ ဘ၀စခဲ့တာကို ငိုခြင်းနဲ့ပဲ နိဂုံးမချုပ်စေချင်ပါဘူး။ ဆင်းရဲကြောင်း သမုဒယသစ္စာနဲ့ ဆင်းရဲကျိုး ဒုက္ခသစ္စာကို ၀ိပဿနာ အလုပ်နဲ့ ပယ်သတ်ပြီး၊ ချမ်းသားကြောင်း မဂ္ဂသစ္စာနဲ့ ချမ်းသာကျိုး နိရောဓ သစ္စာကို ရှာစေချင်ပါတယ်။ မြင်ရာ၊ ကြားရာ၊ စားရာ၊ သွားရာ၊ ထိရာ၊ တွေ့ရာ၊ နံရာ တို့မှာလည်း သတိလေးနဲ့ နေစေချင်ပါတယ်။ ဒါဆိုရင်တော့ ဘုရားရှင် နောက်ဆုံးမှာကြားခဲ့တဲ့ *အပ္ပမာဒေန သမ္ပာဒေထ* တရားကို လိုက်နာရာရောက်သလို လာခြင်းဆိုးခဲ့ပေမယ့် ပြန်ခြင်းတွေကတော့ ကောင်းပါလိမ့်မယ်လို့……။


လေးစားစွာဖြင့်
ဖိုးသား

05.01.2009, MON:, 07:02:25 AM

!--READ-MORE-STARTS-->

ဆက်လက်ဖတ်ရှုရန်.....