*ဟန္ဒဒါနိ ဘိက္ခဝေ၊ အာမန္တရာမိဝေါ…၊ ၀ယဓမ္မာ သင်္ခါရာ၊ အပ္ပမာဒေန သမ္ပာဒေထ*

Your pictures and fotos in a slideshow on MySpace, eBay, Facebook or your website!view all pictures of this slideshow

*တရားတော် တိုက်ရိုက်ထုတ်လွှင့်မှု အစီစဉ်*

Live!
Dhamma Request Print E-mail
Written by Administrator
Friday, 31 July 2009 02:30

မင်္ဂလာပါ ခင်ဗျား...

တစ်ယောက်နဲ့ တစ်ယောက်ခွဲပြီး အဝေးရောက်နေကြတာရှိကြပါတယ်။ အဲဒီမှာ တစ်ယောက်က တစ်ယောက်ကို ဘယ်တရားကိုတော့ဖြင့် နာယူခွင့်ရစေချင်တယ်... ပြီးတော့ တစ်ချိန်တည်းမှာ အတူတူနာယူချင်တယ်ဆိုတဲ့ ဆန္ဒလေးတွေက တစ်ဦးတစ်ယောက်မှာ ပေါ်ပေါက်လာခဲ့မယ်ဆိုရင် အကောင်းအထည်ဖော်ပေးချင်ပါတယ်။

ငယ်ငယ်က စဉ်းစားဖူးတာလေးတစ်ခုရှိခဲ့ပါတယ်... ချစ်သောသူနဲ့ ခွဲပြီးတော့ကာ တစ်ခြားမြို့ကို သွားတဲ့အခါမှာပေါ့လေ... လသာတဲ့ညနဲ့ တိုက်ဆိုက်ခဲ့ရင် ဒါမျိုးလေး အမှာစကား ထားခဲ့တယ်ပေါ့... ဒီည လာသာလိမ့်မယ်နော်...လသာတဲ့အခါ ဘယ်အချိန်တိတိမှာ လမင်းလေးကို တို့တွေ ထိုင်ကြည့်ကြမယ်နော်...တို့ရဲ့အကြည့်တွေက အဲဒီမှာ သွားပေါင်းဆုံလိမ့်မယ်...ဒါဆိုရင် တို့မဝေးတော့ဘူး...အကြည့်ချင်း ဆုံနိုင်ခွင့်ကို လမင်းလေးက ဖန်တီးပေးလိမ့်မယ်... အကြည့်ချင်းဆုံပြီး စိတ်ကူလေးနဲ့ စကားတွေ ပြောကြမယ်ပေါ့ဗျာ...ဒီလို အချစ်လှိုင်းကို ပေါင်းဆုံပေးနိုင်တဲ့ အတွေးမျိုးလေးကို စဉ်းစားခဲ့ပြီးတော့ ဘယ်သူ့ကိုမှ မဖွင့်ဟခဲ့ပါဘူး။ အခုတော့ တိုက်ဆိုင်လို့ ပြောပြတာပါနော...

ဒီတော့ အချစ်လှိုင်းတွေ ပေါင်းဆုံနိုင်ခွင့်ရှိရင် ကုသိုလ်လှိုင်းတွေကိုလည်း ပေါင်းဆုံခွင့်ရှိပါတယ်နော....အခု အင်တာနက် ပေါ်လာတော့ လသာည ကို စောင့်နေဖို့ မလိုတော့ပါဘူး။ လိုင်းကောင်းဖို့တော့ လိုတာပေါ့နော...ကုသိုလ်လှိုင်းတွေကို မျှဝေးပေးပြီး ကုသိုလ်ဓာတ်အားတွေ ဖြည့်နိုင်ကြစေဖို့ အကြံစို့ပေါ် အကောင်ထည်ဖော်လိုက်ပါပြီဗျ။

(ဘယ်နေ့) (ဘယ်နာရီ)မှာ (ဘယ်တရား) ကို (ဘယ်သူ့)ကို ရည်စူးပြီး အားလုံးသောသူများလည်း ဒီတရားကို နာကြားခွင့်ရကြပါစေ ဆိုတဲ့ (ကုသိုလ်ဆန္ဒ)ကို Cbox မှာ ရေးပေးလို့ရပါတယ်။ ကြိုးစားပြီး တိကျအောင် ဆောင်ရွက်ပေးပါ့မယ်... ဆောင်ရွက်ချက် ပျက်ကွက်ခဲ့ရင် နားလည်ပေးကြဖို့လည်း ကြိုတင်မေတ္တာရပ်ခံပါရစေနော...

ဒါနဲ့တစ်ခု...တရားမလွှင့်မှီ... ဓမ္မမိတ်ဆွေများ၏ မိတ်ဆက်အသံလေးကိုပါ ထည့်သွင်းလွှင့်လိုပါကလည်း ထုတ်လွှင့်ပေးပါမည်။ ထိုနေ့ လွှင့်ပေးရန် တာဝန်ခံသူရဲ့ G-talk - Skype nick ကို Add ပြီး G-talk - Skype မှ ခေါ်ပြီးတော့ သူက ပြောရန် အချက်ပြ (1) လို့ရိုက်လိုက်တာနဲ့ ၂ မိနစ် ၃ မိနစ်ခန့် ပြောပြီး လွှင့်လိုသော တရားကို ဆက်လက်လွှင့်ပေးပါမည်။

ဒါနဲ့နှစ်ခု...စနေ့၊ တနင်္ဂနွေ နေ့တို့မှာလွှင့်ပေးဖို့ဆို ပိုမို၍ ကောင်းမွန်ပါသည်။ ကျန်ကြားရက်မှာလည်း ကြိုးစားဆောင်ရွက်ပေးပါမည်။ ကျောင်းချိန်နှင့် တိုက်ဆိုက်ပါက နားလည်ခွင့်လွှတ်ပေးပါ။ Cbox မှာ တရားတောင်းဆိုသွားသူအလိုက် အစဉ်ထားပြီး ထုတ်လွှင့်ပေးပါမည်။ တောင်းဆိုသူ အချိန်တူနေခဲ့လျင် ပထမတောင်းဆိုသူကို ဦးစားပေး ထုတ်လွှင့်ပေးပါရစေနော...လွှင့်ပေးမှု ပျက်ကွက်ခဲ့လျင် Cboxမှာ ကြေငြာပေးပြီး အချိန် ပြညှိကြပါမယ်...

အားလုံ တစ်ဦးပေါ်တစ်ဦး ခင်မင်လေးစား တန်ဖိုးထား နားလည်မှုရှိရှိဖြင့် လက်တွဲကြပါစို့...

လေးစားစွာဖြင့်

ဓမ္မသုခ ညီအစ်ကိုများ...

Last Updated ( Friday, 31 July 2009 19:53 )

You are Online!

Saturday 7 November 2009

*တတ်နိုင်သလောက်နဲ့တင် မလုံလောက်ပါဘူး...*

အမေရိကန် Seattle က နာမည်ကြီး ဘုရားကျောင်းတစ်ခုမှာ လူအများ လေးစားကြည်ညိုတဲ့ Dell Taylorဆိုတဲ့ ဖာသာတစ်ဦးရှိတယ်။ တစ်နေ့မှာ ဘုရားကျောင်းက ကျောင်းသားတွေကို ဖာသာက ပုံပြင်တစ်ပုဒ်ပြောပြခဲ့တယ်။

ပုံပြင်က တစ်ခုသောဆောင်းရာသီမှာ မုဆိုးတစ်ဦးက အမဲလိုက်ခွေးနဲ့ တောလိုက်ထွက်ခဲ့တယ်။ တောအုပ် တစ်နေရာမှာ ယုန်တစ်ကောင်ကိုတွေ့တာနဲ့ မုဆိုးက သေနတ်နဲ့ပစ်လိုက်တာ ပေါင်ကိုမှန်သွားပေမယ့် ယုန်ထွက်ပြေးသွားခဲ့တယ်။ အမဲလိုက်ခွေးက ဒဏ်ရာရတဲ့ယုန်ကို လိုက်ခဲ့ပေမယ့် မမိခဲ့ဘူး။ ဒါကိုမုဆိုးက ခွေးကို အသုံးမကျတဲ့ခွေး၊ ဒဏ်ရာရတဲ့ ယုန်ကိုတောင် အမီမလိုက်နိုင်တဲ့ခွေးဆိုပြီး အပြစ်တင်ခဲ့တယ်။

သခင်ရဲ့ အပြစ်စကားကို ကြားတော့ ခွေးက တတ်နိုင်သလောက်ကြိုးစားခဲ့တာတောင် အပြစ်တင်ခံရတယ်ဆိုပြီး စိတ်မကောင်းခဲ့ဘူး။

သေနတ်ဒဏ်ရာနဲ့ ထွက်ပြေးခဲ့တဲ့ ယုန်ကို အပေါင်းဖော်တွေ တွေ့တော့ တအံ့တသြ ဝိုင်းမေးကြတယ်။

"ဒဏ်ရာရနေတာတောင် ဒီလောက်ဒေါသကြီးတဲ့ ခွေးလက်ထဲကနေ ဘယ်လို လွတ်ခဲ့သလဲ?"

"ခွေးက တတ်နိုင်သလောက် ပြေးတယ်။ ကျွန်တော်က အစွမ်းကုန်အားသုံးပြီး ပြေးခဲ့တယ်။ ကျွန်တော့်ကို သူမမိခဲ့လို့ အဆူအဆဲပဲ ခံရမယ်။ တကယ်လို့ ကျွန်တော်သာ အားကုန်မပြေးခဲ့ရင် အသက်တောင် ရှင်နိုင်တော့မှာမဟုတ်ဘူး"

ပုံပြောပြီးတာနဲ့ ဖာသာ Taylor က အတန်းအားလုံးကို Matthew Bible ကျမ်းစာထဲက အခန်း ၅ မှ ၇ ထိ အလွတ်ဆိုနိုင်သူကို Seattle က Space Needle မှာ ညစာစားပွဲ ကျင်းပပေးမယ်လို့ ပြောခဲ့တယ်။

Matthew Bible ကျမ်းစာရဲ့ အခန်း ၅ ကနေ အခန်း ၇ထိက စာလုံးပေါင်း သောင်းဂဏန်းထိရှိပြီး ရွတ်ဆိုရတာလည်း အင်မတန်ခက်ပါတယ်။ ကျမ်းစာတွေကို အလွတ်ရဖို့ဆိုတာ အလွန်ခက်ခဲပေမယ့် ငွေကုန်ကြေးကျ မလိုဘဲ တက်ရောက်ခွင့်ရတဲ့ ညစာစားပွဲကို လူတိုင်းတက်ရောက်ချင်ခဲ့ကြတယ်။ ဒါပေမယ့် လူတော်တော်များများ နောက်ဆုတ် လက်လွတ်ခဲ့ကြပါတယ်။

ဒီလိုနဲ့ ရက်မကြာခင်မှာ (၁၁)နှစ်အရွယ်ရှိတဲ့ သင်တန်းသားတစ်ဦးက ဖာသာရှေ့မှာ ရင်ကော့ပြီး ကျမ်းစာအားလုံးကို တစ်လုံးမကျန် အမှားအယွင်းမရှိ အလွတ် ရွတ်ဆိုနိုင်ခဲ့တယ်။ အရွယ်ရောက်သူတောင် အလွတ်ဆိုဖို့ ခက်ခဲတဲ့စာကို ကလေးငယ်တစ်ယောက် ဆိုနိုင်ခဲ့တဲ့အတွက် ဖာသာအရမ်း အံ့သြခဲ့မိတယ်။ လူငယ်ရဲ့ မှတ်ဥာဏ်ကောင်းတဲ့ ဦးနှောက်ကို ချီးကျူးမိတဲ့အပြင် ကလေးငယ်ကို ဖာသာ တအံ့တသြမေးခဲ့တယ်။

"ဒီလောက်ရှည်တဲ့ စာတွေကို ဘယ်လိုအလွတ်ဆိုနိုင်ခဲ့သလဲ?"

"ကျွန်တော် အစွမ်းကုန်ကြိုးစားခဲ့ပါတယ်"လို့ လူငယ်က မဆိုင်းမတွ ပြန်ဖြေခဲ့တယ်။

နောင်(၁၆)နှစ်မှာ အဲဒီကလေးငယ်ဟာ ကမ္ဘာကျော် Softwareကုမ္ပဏီပိုင်ရှင်တစ်ဦး ဖြစ်လာခဲ့တယ်။ အဲဒီကလေးငယ်က Bill Gates ပဲဖြစ်ပါတယ်။

လူတိုင်းမှာ ဖြစ်နိုင်၊ လုပ်နိုင်တဲ့ စွမ်းအား(Potential)တွေ ရှိကြတယ်။ စိတ်ပညာရှင်တွေရဲ့ လေ့လာဆန်းစစ်ချက်အရ သာမန်လူတစ်ဦးဟာ သူ့ရဲ့ဖြစ်နိုင်၊ လုပ်နိုင်တဲ့စွမ်းအင်ကို ၂ ကနေ ၈ အထိပဲ အသုံးပြုကြတယ်။ အက်ဒီဆင်လို သိပ္ပံပညာရှင်တစ်ဦးတောင် ၁၂ထိပဲ အသုံးပြုခဲ့တယ်။ တကယ်လို့ လူတစ်ဦးရဲ့ လုပ်နိုင်တဲ့စွမ်းအင်က ၅ဝထိအသုံးပြုခဲ့ရင် အဲဒီလူဟာ ဖတ်စာအုပ်အအုပ်(၄ဝဝ)ကို အလွတ်ဆိုနိုင်သလို တက္ကသိုလ်ပေါင်းများစွာကိုလည်း တက်ရောက်နိုင်ပါတယ်။ နောက်ပြီး ဘာသာစကား (၂ဝ)မျိုးလောက် တတ်နိုင်ပါသေးတယ်။

ဒါကြောင့် ကျွန်တော်တို့ရဲ့ လုပ်နိုင်တဲ့စွမ်းအင်(၉ဝ)က အိပ်မောကျနေတဲ့ အနေအထားမှာ ရှိနေပါတယ်။ သူတစ်ပါးထက် ထူးချွန်ချင်တယ်၊ ဖောက်ထွက်ချင်တယ်၊ ထီထွင်ချင်တယ်ဆိုရင် တတ်နိုင်သလောက်နဲ့ မလုံလောက်သေးပါဘူး။ အစွမ်းကုန်ကြိုးစားဖို့လည်း လိုပါသေးတယ်။

NKY

--
အသေ၀နာ စ ဗာလာနံ၊ ပဏ္ဍိတာနဉ္စ သေ၀နာ။
ပူဇာ စ ပူဇနေယျာနံ၊ ဧတံ မင်္ဂလ မုတ္တမံ။

သူမိုက်ကို မမှီဝဲ မဆည်းကပ်ခြင်း ၊
ပညာရှိသူကိုမှီဝဲဆည်းကပ်ခြင်း ၊
ပူဇော်ထိုက်သူကို ပူဇော်ခြင်း ၊
ဤတရား သုံးပါးကမြတ်သောမင်္ဂလာပါ....

>> mail က ရလာတာလေးကို ထပ်လောင်း ဖော်ပြခြင်းပါ။

လေးစားစွာဖြင့်
ဖိုးသား

07.11.2009, SAT:, 10:19:04 PM

!--READ-MORE-STARTS-->
ဆက်လက်ဖတ်ရှုရန်.....

Sunday 11 October 2009

*ဆွမ်းခံခြင်းသည် တောင်းခံခြင်းလော...*

စာရေးသူနှင့် သိကျွမ်းခင်မင်နေသော လူငယ်လေး တစ်ဦးက စာရေးသူကို ပြောပြသည်။
“ဘုန်းဘုန်း…တပည့်တော်တို့ရဲ့ အိမ်ကို ဘာသာခြားအဖွဲ့ တစ်ခုက လာပြီးတော့ သူတို့ရဲ့ ဘာသာကောင်းကြောင်း ပြီးတော့ သူတို့တွေဟာ သူများအိမ်ရှေ့တွေမှာ နေ့တိုင်း လိုက်တောင်းစားနေတဲ့ သူတွေ မဟုတ်ကြောင်း အဲဒီလို ပြောသွားတယ် ဘုရား။ တပည့်တော်လည်း အစက လိုက်တောင်းစားနေတဲ့ သူတွေဆိုတာ ဘယ်သူ့တွေကို ပြောမှန်း မသိခဲ့ဘူး။ နောက်တစ်နေ့မှာ တပည့်တော်ရဲ့ သူငယ်ချင်းတစ်ယောက်နဲ့တွေ့တော့ သူကပြောပြတယ်။ လိုက်တောင်းစားနေတဲ့ သူတွေက ဘယ်သူတွေလဲ ဆိုတော့ တဲ့ နေ့တိုင်း ဆွမ်းအလှူခံထွက်နေတဲ့ ဗုဒ္ဓဘာသာ ရဟန်းတွေကို ရည်ညွှန်းပြီး ပြောတာ တဲ့လေ။ အဲဒီအခါကျမှပဲ တပည့်တော် သဘောပေါက်တော့တယ် ဘုရား။ ဒါကြောင့် ရဟန်းတွေ ဆွမ်းခံကြွတာဟာ တောင်းစားတာ ဟုတ်၊ မဟုတ် တပည့်တော်ကို ကျေးဇူးပြုပြီး ရှင်းပြပေးပါလား ဘုန်းဘုန်းဘုရား”

အမေးရှိလာတော့လည်း အဖြေကို ဖြေပေးရပေတော့မည်။ အဖြေကို ရေးမည်ဟု ဆိုသော်လည်း ပဏာမဦးစွာ စကားပလ္လင်ခံထားပါရစေဦး။ စာရေးသူသည် ဘာသာခြားကို ပုတ်ခတ်၍ ရေးသားခြင်းမဟုတ်။ ဗုဒ္ဓဘာသာ၏ အနှစ်သာရကို ပေါ်လွင်အောင်၊ သိမြင်လာအောင် ရေးသားတင်ပြခြင်းသာ ဖြစ်ပေသည်။ ဤသည်ကိုပင် ဘာသာရေးကို ပုတ်ခတ်သည်ဟု ပြောဆို၍ မရစကောင်းပေ။

စာရေးသူသည် ဤဆောင်းပါး၌ တောင်းခံခြင်းနှင့် အလှူခံခြင်း စကားနှစ်ရပ်လုံးကို ဦးစွာပထမ ကွဲကွဲပြားပြား ရှင်းပြချင်ပါသည်။ တောင်းစားခြင်း ဆိုသည့်စကားလုံး ကိုယ်စား တောင်းခံခြင်း ဟုသာ အစားထိုး၍ စာရေးသူ ဖော်ပြပေးချင်သည်။ တောင်းစားခြင်း ဆိုသော စကားလုံးသည် ယဉ်ကျေးမှု ရှိကြသော ပုဂ္ဂိုလ်များအဖို့ငှာ သုံးစွဲရန် မသင့်တော်သောကြောင့်ပင်တည်း။
တောင်းခံခြင်းသည် အခွန်တော်၊ အကြွေး စသည်တို့ကို လိုက်လံ တောင်းယူခြင်း၊ ပေးရန်ပြောခြင်း ဖြစ်သည်။ အလှူခံခြင်းသည် လှူသည်ကို လက်ခံခြင်း၊ လှူရန် မေတ္တာရပ်ခံခြင်း စသည်တို့ ဖြစ်သည်။
ထိုစကားနှစ်လုံး၏ အဓိပ္ပာယ်ကို လေ့လာတွေးတောခြင်း အားဖြင့် ယင်းတို့၏ အဓိပ္ပာယ်တို့သည် တူသယောင်ယောင် ဖြစ်နေသော်လည်း သိသာစွာ ကွဲပြားနေသည်ကို ဖွင့်လှစ်ပြနိုင်ပါသည်။
ပထမ စကားလုံး တောင်းခံခြင်းသည် မဖြစ်မနေရ ပေးဆောင်ရမည့် သဘောကို ဆောင်ထားပေသည်။ အကယ်၍ တောင်းခံခြင်းကို မပေးနိုင်ပါက တောင်းခံသူသည် အတောင်းခံရသူကို ပြဿနာ တစ်စုံတစ်ရာ ရှာကောင်း ရှာ၍ ရနိုင်ပါသည်။
ဥပမာ အားဖြင့် နိုင်ငံတော်က ပြည်သူလူထုထံတွင် ထိုက်လျောက်သော အခွန်အခများကို ပေးရန် တောင်းခံသည့်အခါတွင် ပြည်သူလူထုမှ မဖြစ်နေ တိုင်းပြည်အတွက် ပေးဆောင်ရမည် ဖြစ်ပါသည်။ မပေးဆောင်သော ပြည်သူကို နိုင်ငံတော်၏ ကျင့်ထုံးဥပဒေအရ တာဝန်ရှိသူများမှ အရေးယူ အပြစ်ပေးနိုင်ပါသည်။

ဒုတိယ စကားလုံး အလှူခံခြင်းသည်ကား သဒ္ဓါတရား ထက်သန်နေသော ပုဂ္ဂိုလ်များ ထံမှ လှူဒါန်းသော လှူဖွယ်တို့ကို မေတ္တာဖြင့် လက်ခံခြင်းဖြစ်သည်။ ထို့အပြင် အများသူငှာအား အလှူဒါနများကို ပြုလုပ်စေ၍ ကုသိုလ်ကောင်းမှု ရရှိစေရန်၊ သဒ္ဓါတရား ထက်သန်လာစေရန် အလို့ငှာ အလှူပြုရန် မေတ္တာရပ်ခံခြင်း သဘောကိုလည်း သက်ရောက်ပါသည်။ အကယ်၍ မလှူနိုင်ပါကလည်း အလှူခံသူသည် မလှူသော ပုဂ္ဂိုလ်ကို မည်သို့မျှ ပြဿနာ တစ်စုံတရာ ရှာခြင်း မရှိပေ။ ကုသိုလ်ရရှိစေရန်၊ အလှူဒါန ပေးနိုင်စေရန် အတွက်သာ မေတ္တာရပ်ခံခြင်း ဖြစ်ပေသည်။
တောင်းခံခြင်းတွင် မဖြစ်နေ ပေးရမည် ဖြစ်သည်။ ရွေးချယ်စရာ လမ်းမရှိပေ။ အလှူခံခြင်းတွင်မူကား အလှူပေးမည့် ပုဂ္ဂိုလ်သည် မိမိသဘော ဆန္ဒအလျောက် အလှူခံသည့် ပုဂ္ဂိုလ်အား လှူခြင်း၊ မလှူခြင်း စသည့် ရွေးချယ်စရာ လမ်းရှိသည်။ လှူဒါန်းရမည် ဟု အတင်းအကြပ် ပြုလုပ်ထားခြင်း မဟုတ်။
ကမ္ဘာ့နိုင်ငံများတွင်လည်း ဗုဒ္ဓဘာသာ မဟုတ်သော သက်ဆိုင်ရာ ဘာသာအသီးသီးမှ ဘာသာရေးပုဂ္ဂိုလ်များသည် အိမ်စဉ်သွားရောက်၍ အလှူခံနေသည်များကို စာရေးသူ မြင်သိ၊ ကြားသိ နေရပါသည်။ ခေတ်မီ တိုးတက်နေသော နိုင်ငံများတွင် ဘဏ်အကောင့်များမှ အလှူခံခြင်း၊ ချက်လက်မှတ်ဖြင့် အလှူခံခြင်း၊ အင်တာနက်များမှ အလှူခံခြင်း စသည့် အဆင်ပြေနိုင်မည့် နည်းလမ်းများကို အသုံးပြု၍ အလှူခံခြင်းမျိုး ပြုလုပ်ကြပါသည်။
ဤကဲ့သို့ အိမ်စဉ် အလှူခံခြင်းကို တောင်းသည်ဟု ပြောဆို၍ ရနိုင်ပါမည်လော။ မည်သည့် ကိုးကွယ်သည့် ဘာသာများပင် ဖြစ်လင့်ကစား အလှူခံခြင်းသည် မရှိ၍ လုံးဝ မဖြစ်နိုင်ပေ။ အလှူခံခြင်းမှ ရရှိသော ငွေကြေးများဖြင့်သာ မိမိတို့၏ဘာသာ ရှင်သန်နေစေရေး အတွက် ရပ်တည်နေကြရသည်။

ဤအကြောင်းများကြောင့် တောင်းခံခြင်းနှင့် အလှူခံခြင်းကို ထပ်တူပြု၍ အဓိပ္ပာယ် ပူးတွဲဖော်ဆောင်ရန် မရစကောင်းပေ။ မတူသည့် အဓိပ္ပာယ်များကို ဆင်တူ ဖြစ်သွားအောင် အဘိဓာန်တွင်လည်း ဖွင့်ဆို၍ မရချေ။
တောင်းခံခြင်းနှင့် အလှူခံခြင်း ဟူသော ဤစကားနှစ်ရပ်၏ အဓိပ္ပာယ်ကို ရှင်းလင်းစွာ သိပြီဟု ဆိုလျှင် စာရေးသူသည် ဗုဒ္ဓဘာသာ ရဟန်းသံဃာတော်များ ဆွမ်းခံ၍ သုံးဆောင်ခြင်းကို ဆက်လက်၍ လင်းရပေတော့မည်။
ရဟန်းများသည် ဒကာ၊ ဒကာမများထံမှ တတ်စွမ်းနိုင်သမျှ လှူဒါန်းကြသော ဆွမ်းဟင်း၊ ဆွမ်းထမင်းကိုသာ အလှူခံကြသည်။ ရဟန်းများမှ မည်သည့်ဆွမ်းထမင်း၊ မည်သည်ဆွမ်းဟင်း ကို လောင်းလှူပါဟု ဒကာ၊ ဒကာမများကို မပြောကြ။ လောင်းလှူသမျှနှင့်သာ တင်းတိမ်ကြသည်။ ရောင့်ရဲကြသည်။ ဤအချက်သည်ပင်လျှင် ရဟန်းများမှ လောဘကိလေသာကို နည်းပါးအောင် ကျင့်ကြံအားထုတ်လျှက် နေကြသည်မှာ ထင်ရှားလှသည်။
စာရေးသူ စစ်ကိုင်းတွင် သီတင်းသုံးစဉ်က ဖြစ်ပါသည်။ နံနက်ခင်း ဝေလီဝေလင်း မိုးလင်းစ အချိန်လောက်တွင် ဆွမ်းခံထွက်ရသည်။ ဆွမ်းခံထွက်ရာတွင် မည်သည့်ဆွမ်းထမင်း၊ မည်သည့်ဆွမ်းဟင်း ရလိမ့်မည်ဟု မတွက်ထားရ။ ရသမျှဖြင့် တင်းတိမ်ရောင့်ရဲနိုင်အောင် နေထိုင်ရသည်။
ရဟန်းတော်များ ဆွမ်းခံကြွရာတွင် ဘုန်းကြီးကျောင်းမှ စတင်၍ ခြေလှမ်း လှမ်းလျှင်လှမ်းချင်း ဒကာ၊ ဒကာမများကို ကျန်းမာ၊ ချမ်းသာစေဖို့ မေတ္တာပို့၍ လှမ်းနေကြသည်။ မေတ္တာဖြင့်သာ ဆွမ်းခံကြွသဖြင့် ဒေါသကိလေသာ ခေါင်းပါးသွားသည်။ မေတ္တာ၏ အေးချမ်းမှုဖြင့် ဆွမ်းခံထွက်ရခြင်းသည် ကောင်းလေစွတကား။
ဆွမ်းခံကြွရာတွင် ခြေလှမ်းတိုင်းကို သတိဖြင့် လှမ်းနေရသဖြင့် သတိအား ကောင်းလျှက်ရှိသည်။ လှမ်းလျှင် လှမ်းတိုင်း သိနေသည်။ သတိအား ကောင်းခြင်းဖြင့် အတတ်နိုင်ဆုံး မောဟကိလေသာ ကင်းနေသည်။ အိမ်စဉ် လှည့်လည်၍ ဆွမ်းခံခြင်းသည် မိမိ၏ မာန်မာနကို နှိပ်ချ၍ လျှော့ထားရသဖြင့် မာနကိလေသာလည်း နည်းပါးနေသည်။

စာရေးသူသည် မြန်မာနိုင်ငံအောက်ပိုင်း မြို့တစ်မြို့နှင့် အတော်အတန် အလှမ်းဝေးသော ရွာတစ်ရွာအနီး တောရကျောင်းတွင် သီတင်းသုံးစဉ်က ဆွမ်းခံထွက်ခဲ့သော အကြောင်းအရာ တစ်ခုကို မျှဝေ ခံစားစေချင်သည်။ ရွာဟု ဆိုသည့်အတိုင်း အိမ်လမ်းကြားများသည် ကောင်းလှသည်မဟုတ်။ သို့ဖြစ်သော်ငြားလည်း ရွာသူ၊ ရွာသားများ၏ သဒ္ဓါတရားအား ကုသိုလ်ဖြစ်ပေါ်လာစေရန် ရည်ရွယ်ချက်ဖြင့် မေတ္တာရှေ့ထားကာ အိမ်စဉ် ဆွမ်းခံ ကြွပါသည်။
လမ်းကြိုလမ်းကြားများ ဖြစ်သဖြင့် မကောင်းသော အနံ့အသက်များ၊ လမ်းတွင် မသန့်ရှင်းမှုများ၊ မစင်များကို ရှောင်ကွင်းရင်း အောင့်အည်း သည်းခံကာ မိမိ၏ မာန်မာနကို ပယ်ခွာ၍ ဆွမ်းအလှူခံ ထွက်ပါသည်။ ရွာသူ၊ ရွာသားများသည် သူတို့၏ လမ်းကြား မသန့်ရှင်းသည်ကို မသိကြ။ သို့သော် ၄င်းတို့သိကြသည်မှာ ရဟန်းသံဃာများ ဆွမ်းခံကြွလာသဖြင့် ဆွမ်းလောင်းနေရသည်ကိုပင် ပျော်ရွင်နေကြသည်။ စိတ်ချမ်းသာနေကြသည်။
တစ်ခု ထူးခြားသည်မှာ ဆွမ်းလောင်းပြီးသည်နှင့် ၄င်းတို့၏ အိမ်အထဲသို့ ချက်ချင်း ၀င်သွားခြင်းမဟုတ်ဘဲ မိမိဆွမ်းလှူလိုက်သော ရဟန်းအား မြေကြီးပေါ်တွင် ရိုရိုသေသေ ထိုင်ချ၍ ရှိခိုးလိုက်ခြင်းပင် ဖြစ်ပါသည်။ စာရေးသူသည် ဤမြင်ကွင်းကို ကြည့်ပြီး ထိုရွာရှိ ရွာသားများ၏ သာသနာကို ကြည်ညိုသည့်စိတ်ဓာတ်၊ ရဟန်းသံဃာကို ရိုသေလေးစားသည့် စိတ်ဓာတ် စသည်တို့ကို လေးစားနေမိသည်မှာ အထူးတလည် ပြောနေစရာပင် လိုမည်မထင်ပေ။ လူနေခြုံကြား သာသနာကို ကြည်ညိုကြသည့် စိတ်ဓာတ်များက ဘုံဖျားလောက်ကိုပင် မြင့်မားနေကြပါလား ဟု စာရေးသူ တွေးတောနေမိသည်မှာ လွန်အံ့မည်မထင်။

ရဟန်းများသည် ကုသိုလ်စိတ်များဖြင့်သာ ဆွမ်းခံထွက်နေကြသည်။ ထိုကြောင့် စိတ်ထဲသို့ အကုသိုလ်စိတ် ၀င်ရောက်လာဖို့ အခွင့်အလမ်း နည်းနေသည်။ ကုသိုလ်စိတ်ဖြင့်သာ ဆွမ်းခံကြွကြကြောင်း ရဟန်းများက သိသဖြင့် အယူမှန်လျှက် ဒိဋ္ဌိ သန့်စင်သည်။ ဤအချက်သည်လည်း အယူမှားခြင်း ဒိဋ္ဌိကိလေသာ မရှိခြင်းကို ကောက်ချက်ချရမည် ဖြစ်သည်။
ဆွမ်းခံ၍ ဆွမ်းဘုဉ်းပေးခြင်းသည် အကုသိုလ်မရှိ ဖြစ်ကြောင်းနှင့် အလှူခံ၍ ရရှိလာသော ဆွမ်းများသည် အကုသိုလ်မရှိ သန့်ရှင်းဖြူစင်နေသည်ဟု သိနေသည်။ ထိုကြောင့် ဆွမ်းခံခြင်းသည် အကုသိုလ် ဖြစ်လိမ့်မည်ဟု ၀ိစိကိစ္ဆာ ယုံမှားသံသယ ကိလေသာ ကင်းနေပြန်သည်။
ထို့အပြင် ၀ီရိယဖြင့် ဆွမ်းခံထွက်ရသဖြင့် လှမ်းနေသော ခြေလှမ်းတိုင်းသည် ကာယကံကုသိုလ်များ ရရှိနေသည်။ ဆွမ်းခံကြွရာတွင်လည်း သတိနှင့် မေတ္တာဓာတ်ဖြင့်သာ ကြွကြသဖြင့် စိတ်များ ပျံ့လွင့်မှု ဥဒစ္စ ပပျောက်လျှက် ရှိသည်။
ဆွမ်းခံကြွခြင်းသည် တစ်ပါးသူထံမှ လက်နက်ပြ၍ ဓားပြတိုက်ခြင်း မဟုတ်။ မေတ္တာဓာတ်ဖြင့်သာ အလှူခံကြွခြင်း ဖြစ်သဖြင့် အကုသိုလ် အလုပ် မဟုတ်သောကြောင့် ရှက်စရာ၊ ကြောက်စရာ အဖြစ် ရဟန်းများက သတ်မှတ်ထားခြင်း မရှိပေ။ ထိုကြောင့် အဟိရိက၊ အနောတ္တပ္ပ ကိလေသာများလည်း ကိန်းအောင်းနေခြင်း မရှိပေ။
ဤအချက်များကို သိရခြင်းအားဖြင့် ဆွမ်းခံကြွနေသော ရဟန်းသံဃာများသည် ကိလေသာကို အတတ်နိုင်ဆုံး နည်းပါးအောင် ကျင့်ကြံအားထုတ်နေသည်မှာ သိသာလှပေသည်။

မြတ်စွာဘုရားသည် ကိလေသာအာရုံတောထဲမှ ရုံးထွက်၍ ကိလေသာများ နည်းပါးအောင် တောထဲတွင် တရားများ ကျင့်ကြံခဲ့သည်။ လောကီ စည်းစိမ်များတွင် အကောင်းဆုံးသော ဘုရင့်မင်းသားဘ၀ အဖြစ်မှပင်လျှင် မိမိ၏ မာန်မာနများကို လျှော့ချလျက် အားလုံးကို စွန့်လွှတ်ခဲ့သည်။
ဘုရားအဖြစ်ကို ရောက်တော်မူခါနီး၌ပင် သုဇာတာ သတို့သမီးမှ လှူဒါန်းသော ဆွမ်းကို အလှူခံယူ၍ ဆွမ်းဘုဉ်းပေးခဲ့သည်။ ဆွမ်းခံ၍ ဆွမ်းဘုဉ်းပေးကာ မဟာဗောဓိပင် ခြေတော်ရင်းမှာ ဗောဓိဉာဏ်တော်ကို ရရှိတော်မူခဲ့ပြီး သုံးလောကထွတ်ထား မြတ်ဗုဒ္ဓအဖြစ်ကို ရောက်ရှိခဲ့သည်။
အိန္ဒိယနိုင်ငံတွင် အမျိုးအမြင့်မြတ်ဆုံးဟု ဆိုကြသော ဗြဟ္မဏအနွယ်ဝင် အမြောက်အများ သည်ပင်လျှင် မြတ်စွာဘုရား၏ အေးချမ်းသော သာသနာ့ဘောင်သို့ ၀င်ရောက်ခိုလှုံလာကြသည်။ ထို့နောက် ကိလေသာနည်းပါးကြောင်း တရားများကို ကျင့်ကြံအားထုတ်ခြင်းဖြင့် ဒကာ၊ ဒကာမများမှ သဒ္ဓါတရား ဖြူစင်စွာ လှူဒါန်းကြသော ဆွမ်းကိုသာ အလှူခံကြွကြ၍ ဘုဉ်းပေးခဲ့ကြသည်။
ဤကဲ့သို့ ဆွမ်းခံကြွ၍ ဆွမ်းဘုဉ်းပေးရင်းဖြင့် ရဟန္တာများ ဖြစ်ကုန်ကြပြီး နိဗ္ဗာန်ကို စံဝင်ကြသည့် သာဓက များစွာ ရှိပေသည်။
မြတ်စွာဘုရား၏ လက်ဝဲတော်ရံနှင့် လက်ယာတော်ရံများ ဖြစ်ကြသော အမျိုးမြတ်ကြသည် ဟုဆိုကြသော ဗြဟ္မဏအနွယ်ဝင်များဖြစ်သည့် အရှင်မောဂ္ဂလာန်နှင့် အရှင်သာရိပုတ္တရာ တို့သည်လည်း ဗုဒ္ဓထံသို့ တပည့်သာဝကအဖြစ် ခံယူခဲ့ကြသည်။ ထိုသာဝကကြီး နှစ်ပါးသည်လည်း မြတ်စွာဘုရား နည်းတူ ကိလေသာနည်းအောင် ကျင့်ကြံအားထုတ်ရင်း ဆွမ်းခံ၍ ဘုဉ်းပေးခဲ့ကြသည်။
ရဟန်းသံဃာများသည် သီလ၊ သမာဓိ၊ ပညာများ တိုးပွားလာအောင်နှင့် ကိလေသာများ နည်းပါးလာအောင် ကျင့်ကြံအားထုတ် နေကြသဖြင့် လှူဒါန်းကြသော အလှူရှင် ဒကာ၊ ဒကာမ များအတွက်လည်း အကျိုး များလှပေသည်။
အလှူခံခြင်းသည် ဆွမ်းတစ်ခုတည်းကိုသာ ပြောဆို၍ မရနိုင်ပေ။ ရဟန်းအား ဒကာ၊ ဒကာမများက ဆွမ်း၊ သင်္ကန်း၊ ကျောင်း၊ ဆေး စသော ပစ္စည်းလေးပါး ဒါယကာ အဖြစ် ခံယူထားလျှင် ထိုရဟန်းသည်း ယင်းပစ္စည်းလေးပါးကို အလှူခံယူခွင့်ရှိသည်။ ခွင့်ပြုချက် မရရှိသော ပစ္စည်းကို အလှူခံယူခြင်း မဟုတ်ပေ။ ဤကဲ့သို့ အလှူခံယူခြင်းသည် အပြစ်ကင်းလျှက် ရှိပေသည်။
အထက်ပါ ဖော်ပြချက် အကြောင်းအရာများကို ထောက်ရှုခြင်းအားဖြင့် ရဟန်းများ ဆွမ်းခံခြင်းသည် မေတ္တာဖြင့် သန့်ရှင်းဖြူစင်စွာ အလှူခံယူခြင်းသာ ဖြစ်ကြောင်းနှင့် တောင်းခံခြင်း မဟုတ်ကြောင်း အမြင်ရှင်းလင်းစွာ သိသာနိုင်ပါသည်။
ဗုဒ္ဓဘာသာဝင် မှန်သမျှ ဤအချက်များကို သိရှိထားသင့်ပေသည်။ သို့မှသာ မသိနားမလည်သေးသော မည်သည့်ပုဂ္ဂိုလ် မျိုးကိုမဆို မျက်စိတွင် ဖုံးကွယ်နေသော တိမ်များကို ခွဲစိတ်ကုသ ပေးနိုင်သကဲ့သို့ အမြင်အာရုံများ ရှင်းလင်းသွားစေရန် လက်ဆင့်ကမ်း ပြောကြားနိုင်မည် ဖြစ်ကြောင်း ဤဆောင်းပါးဖြင့် မျှဝေလိုက်ရပါတော့သည်…..

အရှင်ဉာဏဒီပ (အိန္ဒိယနိုင်ငံ၊ နယူးဒေလီတက္ကသိုလ်) http://ashinnyanadipa.blogspot.com
!--READ-MORE-STARTS-->
ဆက်လက်ဖတ်ရှုရန်.....

Saturday 12 September 2009

*ကိုယ့်ကိုယ်ကို သတိထားကြည့်ရင်...*

လူတွေမှာ ဘာလို့ မျက်လုံး နှစ်လုံးပါနေလဲသိလား…

တစ်ဖက်ထဲနဲ့ ကြည့်ရင် အမြင်မှားတတ်လို့ လေ.

အဲဒါကြောင့်… တစ်စုံတစ်ယောက်၊ တစ်စုံတစ်ရာကို ကြည့်မယ်ဆိုရင်…ဘယ်တော့မှ တစ်ခါထဲနဲ့ မဆုံးဖြတ်ပါနဲ့

အနည်းဆုံး နှစ်ခါပြန်ကြည့်ပြီးမှ ကောက်ချက်ချက်တာ ပိုမှန်ပါလိမ့်မယ်။

လူတွေမှာ နှာခေါင်းက ဘာလို့ မျက်နှာပေါ်မှာ ချွန်ထွက်ပြီး ရှည်ရှည်လေးဖြစ်နေလဲသိလား…

လေကောင်းလေသန့် ကို သူအရင်ဆုံးရအောင်လို့ ပေါ့…

ပြီးတော့ နှာခေါင်းလမ်းကြောင်းတစ်လျှောက် အဆင့်ဆင့် စစ်ပြီးမှ အဆုတ်ထဲရောက်တာ…

အဲဒါကြောင့် တမင်တကာကြီး မကောင်းတဲ့အရာတွေကို ရှူမထည့်ကြပါနဲ့

လူတွေရဲ့ ပါးစပ်မှာ ဘာလို့ နှုတ်ခမ်းပါနေလဲသိလား…

ထွက်သွားတဲ့ လေကို ထိန်းဖို့ ပေါ့….

အဲဒါကြောင့်…ပြောတဲ့ စကားတိုင်းကိုလဲ…အထိန်းအကွပ်ရှိလို့ လိုပါတယ်…

လူတွေရဲ့ နားရွက်က…ဘာလို့ ပြားပြားထောင်ထောင်ကြီး နဲ့ နှစ်ဖက်ရှိနေလဲသိလား…

များများ နားထောင်နိုင်အောင်လို့ ပေါ့…နောက်ပြီး နှစ်ဖက်ကြားအောင်…

အဲဒါကြောင့်…. ကိုယ်နားထောင်ချင်တဲ့စကားပဲ နားထောင်တာမျိုး မလုပ်သင့်ပါဘူး…

နောက်ပြီး ဘယ်တော့မှ တစ်ဖက်ထဲကစကားကို နားမယောင်သင့်ဘူးပါဘူးနော်..

နောက်ပြီး နားရွက်က နှစ်ဖက်ရှိပြီး ပါးစပ်က တစ်ပေါက်ထဲရှိတာနော်….

အဲဒါကတော့…နားထောင်တာနဲ့ ပြောတာရဲ့ အချိုးက နှစ်အချိုး တစ်ရှိသင့်တယ်ဆိုတာပါပဲ…

နောက်ပြီး လက်က ဘာလို့ နှစ်ဖက်ရှိပြီး ဦးနှောက်က တစ်လုံးထဲရှိနေတာလဲသိလား…

အလုပ်ကိုများများလုပ်ပြီး စဉ်းစားတာကို နည်းနည်းပဲစဉ်းစားဖို့ လေ….

မစဉ်းစားဘဲ အလုပ်ချည်းပဲလုပ်နေလို့ မဖြစ်သလို….မလုပ်ဘဲ စဉ်းစားချည်းပဲ စဉ်းစားနေလို့ မဖြစ်ဘူးလေ…

သူလဲ နှစ်အချိုး တစ်ပဲ…

ဘာလို့ ဦးနှောက် အပေါ်ရောက်နေပြီး နှလုံးသားက အောက်ရောက်နေလဲသိလား

ခံစားချက်နဲ့ ဦးနှောက်နဲ့ ယှဉ်လာရင်… ဦးနှောက်ကို ဦးစားပေးပါတဲ့….

ကိုယ့်ကိုယ်ကို ပြန်ကြည့်လိုက်မယ်ဆိုရင်….ဘ၀မှာ ကိုယ်ဘယ်လို နေထိုင်သင့်သလဲဆိုတာ…. သဘောပေါက် နားလည်နိုင်ပါတယ်…

စေ့စေ့တွေးလေ သဘောပေါက်လေပေါ့…

ဘယ်အရာမဆို…သူ့ အကြောင်းပြချက်နဲ့ သူရှိပါတယ်….နားလည်တတ်၊ ကြည့်တတ်ဖို့ ပဲလိုတာပါ…

+++++++++++++++++++++++++++++++++++++

မေးလ်က ရလာတာလေးကို ထပ်ဆင့် မျှဝေလိုက်ခြင်းပါ။


လေးစားစွာဖြင့်
ဖိုးသား

9/12/2009, SAT:, 5:44:36 PM

!--READ-MORE-STARTS-->
ဆက်လက်ဖတ်ရှုရန်.....

Thursday 3 September 2009

*ဂရုဓမ္မ အခါတော်နေ့*


နိုင်ငံတိုင်း လူမျိုးတိုင်းမှာ မတူညီတဲ့ ဘာသာရေး ယဉ်ကျေးမှု ဓလေ့ထုံးတမ်းစဉ်လာတွေ ရှိပါတယ်၊ လူမျိုးတိုင်းကလည်း မိမိရဲ့ ဘာသာရေးပွဲတော် ယဉ်ကျေးမှု ဓလေ့ထုံတမ်း စဉ်လာတွေကို အမြတ်တနိုး ထိန်းသိမ်းကြပါတယ်၊ မြန်မာ့ယဉ်ကျေးမှု ဓလေ့ထုံးတမ်း စဉ်လာမှာတော့ ဘာသာရေး ပွဲတော် အခါကြီး ရက်ကြီးများ အဖြစ် ရာသီ ၁၂ လ တိုင်းမှာ ဆင်နွှဲကျင်းပလေ့ ရှိပါတယ်.. မြန်မာ့ယဉ်ကျေးမှုနဲ့ သတ်မှတ်ထားတဲ့ ဘာသာရေးပွဲတော်တွေကတော့

တန်ခူးလ- နှစ်သစ်ကူးပွဲတော်
ကဆုန်လ- (ဗုဒ္ဓနေ့)ညောင်ရေသွန်းပွဲတော်
နယုန်လ- မဟာသမယနေ့
ဝါဆိုလ- ဓမ္မစကြာအခါတော်နေ့
ဝါခေါင်လ- မေတ္တာအခါတော်နေ့
တော်သလင်းလ- ဂရုဓမ္မအခါတော်နေ့
သီတင်းကျွတ်လ- အဘိဓမ္မာအခါတော်နေ့
တန်ဆောင်မုန်းလ- သာမညဖလ အခါတော်နေ့
နတ္တော်လ- ဓမ္မစာဆိုတော်များနေ့
ပြာသိုလ်လ- ရှင်တစ်ထောင်အခါတော်နေ့
တပို့တွဲလ- ဩ၀ါဒပါတိမောက်အခါတော်နေ့
တပေါင်းလ- မြတ်ဗုဒ္ဓ ပြည်တော်ဝင် အခါတော်နေ့ တို့ဆိုပြီး သတ်မှတ်ထားပါတယ်။

အဲဒီပွဲတော်များအနက် ယနေ့ မြန်မာကောဇာ သက္ကရာဇ် ၁၃၇၁ ခု တော်သလင်း လပြည့်နေ့မှာ ကျရောက်တဲ့ ဘာသာရေး ပွဲတော်ကတော့ ဂရုဓမ္မ အခါတော်နေ့ဖြစ်ပါတယ်

ဘုရားရှင် လက်ထက်တော် အခါက ရဟန်းငယ်နှစ်ပါး အစီရ၀တီမြစ်မှာ ရေချိုးပြီး နေပူဆာလှုံနေတဲ့ အချိန်မှာ ဟင်္သာငှက် နှစ်ကောင်ဟာ ကောင်းကင်ကနေ ပျံသန်းလာပါတယ်၊ ရဟန်းငယ်တစ်ပါးက- တပည့်တော် ဒီငှက် ကျောက်ခဲနဲ့ ပစ်ပြမယ်လို့ဆိုတော့ ကျန်တဲ့ ရဟန်းငယ်တစ်ပါးက ဒါကတော့ မဖြစ်နိုင်ပါဘူး လို့ ပြန်ပြောပါတယ်။ ပြောပြောဆိုဆိုနဲ့ ရဟန်းငယ်တစ်ပါးက ကျောက်ခဲကို ကောက်ကိုင်ပြီး ကောင်းကင်မှာ ပျံသန်းနေတဲ့ ဟင်္သာငှက်ကို ပစ်လိုက်ရာ ဘယ်ဖက်မျက်စိကနေ ဖောက်ဝင်သွားပြီး ညာဖက်မျက်စိကနေ ထွက်သွားပါတယ်၊ ဒါကို ကျန်တဲ့ အခြားရဟန်းတွေ မြင်ပြီး .. ဘုရား သာသနာတော်မှာ ရဟန်းပြုနေပြီး ဒီလို လူများအသက်ကို သတ်ရသလား လို့ ကဲ့ရဲ့ကြပြီး ဘုရားရှင်ထံ ခေါ်သွားပါတယ်၊ ဘုရားရှင်က ရှေးရှေး ပညာရှိ သူတော်ကောင်းတွေဟာ မကောင်းမှုကို အနည်းငယ် လုပ်ရုံမျှနဲ့ နောင်တရတတ်ကြတယ်.. သင်တို့က ငါဘုရား သာသနာမှာနေပြီး ဒီလို အမှုကို လုပ်ကြတယ်လို့ မိန့်တော်မူတော့ ရဟန်းတော်များက ရှေးပညာရှိ သူတော်ကောင်းတွေရဲ့ ပြုမူပုံကို ပြန်လည် ဟောပြပါလို့ လျှောက်ထားတဲ့အတွက်…

တချိန်က.. ဘုရားလောင်းတော်ဟာ ကုရုတိုင်း ဣန္ဒပတ္တမြို့ ဓနဉ္စယမင်းကြီးနဲ့ မိဖုရားကြီးတို့ရဲ့ သားတော်တစ်ပါး ဖြစ်ပါတယ်၊ တက္ကသိုလ်ပြည်မှာ ပညာသင်ယူပြီး ပြန်လာတော့ ကုရုတိုင်းမှာ အိမ်ရှေ့မင်းသား ဖြစ်ပါတယ်.. နောက်ပိုင်း ခမည်းတော် မင်းတရားကြီး နတ်ရွာစံတော့ တိုင်းပြည်ရဲ့ ရှင်ဘုရင်ကြီး ဖြစ်လာတယ်.. သူဘုရင်ဖြစ်တဲ့ အချိန်ကစပြီး မင်းကျင့်တရားဆယ်ပါးနဲ့ တိုင်းပြည်ကို အုပ်ချုပ်သလို ကုရုဓမ္မလို့ခေါ်တဲ့ ငါးပါးသီလကို ကိုယ်တိုင်လည်းစောင့် တိုင်းသူပြည်သားတွေ ကိုလည်း လုံလုံခြုံခြုံစောင့်စည်း စေခဲ့တယ်၊ ဘုရားလောင်းအုပ်ချုပ်တဲ့ တိုင်းပြည်မှာ လူတိုင်းငါးပါးသီလ လုံခြုံတဲ့အတွက် မိုးလေ၀သ မှန်ကန်ပြီး တိုင်းပြည်သာယာ ၀ပြောခဲ့တယ်၊

တစ်ဖက်မှာတော့ မိတ်ဆွေ ကလိင်္ဂမင်း အုပ်ချုပ်တဲ့ ကလိင်္ဂတိုင်း ဒန္တပုရမြို့မှာတော့ မိုးလေ၀သ မမှန်လို့ လူတွေ တိရိစ္ဆာန်တွေ ဒုက္ခ ရောက်ကြရပါတယ်၊ မိတ်ဆွေ (ဘုရားလောင်း) အုပ်ချုပ်တဲ့ ကုရုတိုင်းမှာ မိုးတွေ မှန်နေတယ်ဆိုတာ သိရတော့. ကလိင်္ဂတိုင်းသူ တိုင်းသားတွေ အထင်က အဲဒီကုရုတိုင်းမှာ အဉ္စနသန္နိဘ ခေါ်တဲ့ ဆင်ဖြူတော်ကြီးကြောင့် မိုးမှန်တာဖြစ်တယ်.. အဲဒီဆင်ကို ကလိင်္ဂတိုင်းကို ရအောင်ယူရင် မိုးမှန်မယ်လို့ ဆိုတဲ့အတွက် ဘုရားလောင်းပိုင်တဲ့ ဆင်ဖြူတော်ကြီးကို ကလိင်္ဂတိုင်း သယ်ဆောင် လာပါတော့တယ်။ ဒါပေမယ့်လဲ ကလိင်္ဂတိုင်းမှာ မိုးရွာသွန်းခြင်း မရှိခဲ့ဘူး။

နောက်ဆုံးတော့ ဘုရားလောင်း အုပ်ချုပ်တဲ့ ကုရုတိုင်းမှာ မိုးရွာရခြင်းရဲ့ လျှို့ဝှက်ချက်က ရှင်ဘုရင် အပါအ၀င် တိုင်းသူ ပြည်သားအားလုံး ကုရုဓမ္မခေါ်တဲ့ ငါးပါးသီလကို စောင့်ထိန်းလို့ မိုးမှန်တယ်ဆိုတာ သိရတော့ ကလိင်္ဂမင်းလည်း ကုရုဓမ္မကို ရွှေပေလွှာမှာ ကူးယူစေပြီး ကိုယ်တိုင်လည်းကျင့် သူတစ်ပါးကိုလည်း ကျင့်သုံးစေတဲ့အတွက် တိုင်းပြည်သာယာပြီး မိုးမှန် လေမှန် ဖြစ်ခဲ့ပါတယ်၊ ဒီလို ကုရုတိုင်းသားတွေ မြတ်မြတ်နိုးနိုး စောင့်ထိန်းခဲ့တဲ့ တရားမို့ ကုရုဓမ္မလို့ ခေါ်တွင်ပါတယ်။ နောက်ပိုင်းမှာ အဲဒီ ငါးပါးသီလဟာ လူတိုင်း အမြတ်တနိုး စောင့်ထိန်းအပ်တဲ့အတွက် ဂရုဓမ္မလို့ ခေါ်ဆိုရခြင်း ဖြစ်ပါတယ်။ ဒီတရားတော်ကို ဟောကြားချိန်ဟာ တော်သလင်း လပြည့်နေ့ဆိုတာ တိကျတဲ့ စာပေ အထောက်အထား မရှိပေမယ့် မိုးတွင်းကာလ မိုးခေါင်တဲ့အချိန်မှာ ဒီ ဂရုဓမ္မလို့ခေါ်တဲ့ ငါးပါးသီလကို လူတိုင်း စောင့်ထိန်းတဲ့ အတွက် မိုးလေ၀သ မှန်ကန်တာကို အကြောင်းပြုလို့ မိုးကာလမှာ ပါဝင်တဲ့ တော်သလင်း လပြည့်နေ့ကို ဂရုဓမ္မ အခါတော်နေ့ အဖြစ် မြန်မာ့ယဉ်ကျေးမှု က လက်ခံခဲ့တယ် ဆိုတာကို နားလည်နိုင်ပါတယ်၊ လူတိုင်း လိုက်နာသင့်တဲ့ အခြေခံလူ့ကျင့်ဝတ် ငါးပါးသီလကို ကြိုးစား စောင့်ထိန်းခြင်းဖြင့် ယနေ့ကျရောက်တဲ့ ဂရုဓမ္မ အခါတော်နေ့ကို ဆင်နွှဲကြပါစို့။ ။

အရှင်တိက္ခဉာဏာလင်္ကာရ
!--READ-MORE-STARTS-->
ဆက်လက်ဖတ်ရှုရန်.....

Friday 21 August 2009

*ကဗျာအားမာန် စာအားမာန်*

လေထန်တိုင်းသာ ပွင့်ကြွေပါမူ
ဘယ်မှာ ပန်းများ ကျန်မည်နည်း
လှိုင်းပုတ်တိုင်းသာ ကမ်းပြိုပါမူ
ဘယ်မှာ မြေကြီးကျန်မည်နည်း
ကျရှုံးတိုင်းသာ ငိုရပါမူ
ဘယ်မှာ မျက်ရည် ကျန်မည်နည်း
အမှောင်တစ်ဝက် လင်းတစ်ဝက်သည်
တစ်ရက်တစ်ခါ ကြုံမြဲသာတည်း
အရှုံးတစ်လှည့် နိုင်တစ်လှည့်မှာ
မျက်လှည့်ပမာ တွေ့မြဲသာတည်း

ဘ၀သည်ကား တိုက်ပွဲများပင်
လှုပ်ရှားရသော လူ့ရွာတောဝယ်
လင်းသောမှောင်သော အောင်သောရှုံးသော
မုန်းသောချစ်သော သစ်သောဟောင်းသော
ပူသောအေးသော နုသောကြမ်းသော
စောကြောစိတ်ဖြာ မနေသာပေ
လဲရာကထ ကျရာကတက်
ပျက်ရာကဆောက် ရှေ့သို့လျှောက်၍
ရောက်ရာဘ၀ အားမာန်ပြရင်း
ရုန်းရကန်ရမည်တကား။

အေးငွေ

++++++++++++++++++++++++++++++++++++++++++++++++++++++

လေးစားစွာဖြင့်
ဖိုးသား

8/21/2009, FRI:, 5:38:23 AM
!--READ-MORE-STARTS-->
ဆက်လက်ဖတ်ရှုရန်.....

Friday 24 July 2009

*အနာဂတ် ပန်းလေးများ ရှင်သန်နိုင်ဖို့ (၁)*


ကြည်နူးစရာ အနာဂတ်ပျိုးပင်ငယ်လေးများ






အိုးမဖုတ်ခင် အိုးလုပ်စဉ်ဝယ်
အိုးတွင်နှိပ်ခပ် တံဆိပ်မှတ်ကား
မပြတ်မစဲ အိုးပင်ကွဲလည်း
အမြဲတစေ တည်ရှိနေသို့
ထွေထွေသွေးသား ကလေးများ၌
ဘုရားတံဆိပ် ဘာသာစိတ်ကို
ခတ်နှိပ်နိုင်မှ သက်ဆုံးကျအောင်
ဗုဒ္ဓ၀ါဒီ စွဲ၍တည်မည်
ကိုယ်စီ ခပ်နှိပ်စေသတည်း။ ။
( အမရပူရ မဟာဂန္ဓာရုံဆရာတော်)

မမာလွန်း မပျော့လွန်းတဲ့ အချိန်မှာ ရိုက်နှိပ်ထားတဲ့ တံဆိပ်ဟာ အိုးကွဲသွားပေမယ့် ပျောက်မသွားဘဲ တည်နေရှိနေသလို အနာဂတ် သားကောင်းရတနာ သမီးကောင်း ရတနာလေးများရဲ့ စိတ်မှာ အဖြူရောင်များဆဲ (အမည်းတွေ အားနည်းနေဆဲအချိန်) ဘာသာတံဆိပ်လေးတွေ ရိုက်နှိပ်ပေးနိုင်မှ ပီပြင်တဲ့ ဗုဒ္ဓဘာသာဝင်လေးတွေ ဖြစ်ကြမယ် လို့ ဆရာတော်ကြီးက ဆုံးမလမ်းညွှန်တော်မူခဲ့တာပါ၊

ကိုယ့်ဘာသာ ကိုယ့်သာသနာ ကိုယ့်ရေ ကိုယ့်မြေကို တကယ်ချစ်တယ်ဆိုရင် လက်တွေ့အကောင်အထည် ဖော်ဖို့အချိန်ရောက်နေပါပြီ။ တကယ်တော့ ကလေးငယ်တွေဆိုတာ အနာဂတ် မြန်မာနိုင်ငံရဲ့ သားကောင်းရတနာ သမီးကောင်းရတနာလေးတေလို့ဆိုရပါမယ်၊ ရတနာထိုက်တဲ့ ဒီကလေးငယ်တွေကို ၀ိုင်းဝန်းကူညီစောင့်ရှောက်ကြဖို့ တာဝန်ရှိသိသူတိုင်းမှာ တာဝန်ရှိနေပါတယ်။

နှမ်းတစ်လုံးထဲ ကြိတ်လို့ ဆီမဖြစ်ပေမယ့် နှမ်းစေ့လေးတွေစုပေါင်းလိုက်တဲ့အခါ လူခန္ဓာကိုယ်အတွက်လိုအပ်တဲ့ အဖိုးတန်ဆီတွေဖြစ်လာသလို မိမိတို့ တာဝန်သိသူတွေ ပူးပေါင်းဆောင်ရွက်ပြီး တတ်နိုင်သလောက် အကူအညီပေးကြရင် ဒီကလေးငယ်များရဲ့ ဘ၀ဟာ အထိုက်အလျောက် စိုပြေလန်းဆန်းလာမယ်လို့ ယုံကြည်မိပါတယ်၊

ဒီလိုယုံကြည်ချက်နဲ့ အကောင်အထည်ဖော်ကြိုးစားနေတဲ့ သူကတော့ မကွေးတိုင်း ပေါက်မြို့နယ် ကမ်းပြိုရွာက ဆရာတော် အရှင်တေဇိန္ဒပါ၊

ကမ်းပြိုရွာဆိုတာ သွားရေး လာရေး မလွယ်ကူလှသလို အညာဒေသရဲ့ ပြယုဂ်ကို ပီပီပြင်ပြင် ဖော်ညွှန်းနေတဲ့ ခြောက်သွေ့ဒေသဖြစ်ပါတယ်၊ အနောက်ဖက်ကို ငေးမျှော်ကြည့်ရင် ချင်းတောင်တန်းပဲ ရှိတော့တာမို့ တကယ့်ကို ဝေးလံတဲ့နေရာ ရွာလေးတစ်ခုပါ။

အဲဒီဝေးလံ ခေါင်သီတဲ့နေရာလေးမှာ ဆရာတော် အရှင်တေဇိန္ဒက သူရဲ့ စေတနာ မေတ္တာအား ငွေကြေးအားနဲ့ တပိုင်တနိုင် အနာဂတ်ပန်းခင်းလေးထဲက ပျိုးပင်ငယ်လေးတွေကို ရေလောင်း ပေါင်းသင်ပေးနေတာပါ။ တကယ်လဲ လေးစားကြည်ညိုစရာ ကောင်းလှပါတယ်၊

နွေရာသီကျောင်းပိတ်ရက်ရောက်တိုင်း ကလေးများအတွက် အထူးတရားစခန်းပွဲတွေဖွင့်ပြီး ကလေးငယ်များရဲ့ စာရိတ္တ အသိပညာ တိုးပွားဖို့ ဆောင်ရွက်ပေးနေသလို တကယ့်ဗုဒ္ဓဘာသာဝင် တစ်ယောက်ဖြစ်အောင် ဗုဒ္ဓ၀င် ယဉ်ကျေးမှုတွေကိုလည်း သင်ကြားပေးပါတယ်။ ပြီးတော့ စုပေါင်းရှင်ပြု ရဟန်းခံပွဲတွေကိုလည်း ဆရာတော်က ဦးဆောင်ပြီး ပြုလုပ်ပေးပါတယ်။

ဆရာတော်ရဲ့ ခံယူချက်က မိဘတွေကို ပြုပြင်လို့မရတော့ရင် အနာဂတ်ပျိုးပင်ငယ်နဲ့တူတဲ့ ကလေးငယ်တွေကို ပြုစုပျိုးထောင်မယ်တဲ့၊ တရားစခန်း ၀င်ပြီးတဲ့ ကလေးငယ်နဲ့ တရားစခန်းမ၀င်ဘူးတဲ့ ကလေးငယ်တွေ မတူညီကြောင်းကိုလည်း ဆရာတော်က အမိန့်ရှိပါတယ်။ အခု ဆရာတော်ရဲ့ စီမံကိန်းတစ်ခုက ကမ်းပြိုရွာမှာ အနာဂတ်ပျိုးပင်လေးများအတွက် မြေ၀ယ်ပြီး အထက်တန်းကျောင်း တစ်ဆောင်ဆောက်မယ်လို့ အမိန့်ရှိပါတယ်..မြေဖိုးတော့ အလှူခံရရှိပါပြီတဲ့..ကျောင်းဆောက်ဖို့ ငွေအားတော့ ကြိုးစားရှာဖွေရမှာပါတဲ့..

ကဲ စာရှုသူ..တာဝန်သိသူ တစ်ယောက်က တိုင်းပြည်ရဲ့ အညွန့်အဖူး အနာဂတ်ပျိုးပင်ငယ်လေးတွေ ရှင်သန်ဖို့အတွက် စတင်ဆောင်ရွက်နေပါပြီ၊ လိုအပ်တဲ့နေရာမှာ လိုအပ်တဲ့ အကူအညီပေးရင်း ကျွန်ုပ်တို့ရဲ့ ဘ၀ကို အဓိပ္ပါယ်ရှိအောင် ပုံဖော်ကြိုးစားကြစို့။ ။

ဘုရားလက်ထက်က ပထမဆုံး ကျောင်းဒကာဖြစ်တဲ့ ရာဇဂြိုဟ်သူဋ္ဌေးဟာ ဗုဒ္ဓဘာသာဝင် တစ်ယောက် မဟုတ်ပါဘူး၊ ရဟန်းတော်တွေ တောထဲ တောင်ထဲမှာ ကျောင်းမရှိဘဲ တရားကျင့်နေတာကို တွေ့မြင်တော့ သူ့နှလုံးသားက ဒီရဟန်းတွေအတွက် နေရာလေး လုပ်ပေးရရင် ကောင်းမှာပဲ ဆိုတဲ့ အကြင်နာနှလုံးသားနဲ့ ကျောင်းပေါင်း ခြောက်ဆယ်ကို လှူဒါန်းခဲ့တာပါ၊ နောက်ဘ၀မှာ ဘာဖြစ်ချင်တယ်ဆိုတာလုံးဝမရှိဘဲ အခက်အခဲကြုံနေရတဲ့ အနေအထား တခုကို ပြေလည်အောင် ဖြေရှင်းပေးရင်း သူ့ရဲ့ လှပတဲ့နှလုံးသားကို လက်တွေ့ပြခဲ့တာပါ။ ဒီလိုမွန်မြတ်တဲ့ စိတ်ဓာတ်တွေကြောင့်လဲ သာသနာ့သမိုင်းမှာ ပထမဦးဆုံး ကျောင်းဒကာရယ်လို့ ဒီနေ့အထိအောင် မော်ကွန်းထိုးနိုင်ခဲ့တာ ဖြစ်ပါတယ်၊ ဗုဒ္ဓဘာသာဝင် မိမိတို့ကလဲ တတ်နိုင်သလောက် အကူအညီပေးရင်း မော်ကွန်းတစ်ခုကို အတူစိုက်ထူကြပါစို့…အနာဂတ်ဥယျာဉ်ကြီးထဲမှာ ဖူးပွင့်လန်းဆန်းမယ့် ဒီကလေးငယ်တွေကို တတ်နိုင်သလောက် ကူညီကြပါစို့လို့ စေတနာ စကားနဲ့ တိုက်တွန်းရပါတယ်၊ ဒါမှလဲ အနာဂတ်ပန်းလေးများ အမျိုး ဘာသာ သာသနာ့အလယ်မှာ ရှင်သန် ကြီးထွားလာမယ် မဟုတ်ပါလား ။ အနာဂတ်ပန်းလေးများ ရှင်သန်နိုင်ဖို့ ၀ိုင်းဝန်းကူညီဆောင်ရွက်စို့ ။ ။

ဆက်သွယ်ရန်…

အရှင်တိက္ခဥာဏာလင်္ကာရ
email;rev.tikkha@yahoo.com
email;bhikkhu.tikkhanana@gmail.com
ph.0094- 071 36 00 9 88
0065-8266 2972

အရှင်တေဇိန္ဒ
ကမ်းပြိုကျေးရွာ
ပေါက်မြို့နယ်
မကွေးတိုင်း
email;trbk007@gmail.com

C/O
ဦးလှဋ္ဌေး ဒေါ်စန်းတင့်
ယောထိပ်တန်း ပခုက္ကူ
၀၆၂-၂၂၅၂၄ ၀၉-၂၃၀၁၁၃၂
!--READ-MORE-STARTS-->
ဆက်လက်ဖတ်ရှုရန်.....

Tuesday 30 June 2009

*မေတ္တာနှလုံးသားဖြင့် မြန်မာပြည်သို့ အကူအညီပေးမည့် Metta World Foundation*

မေတ္တာ နှလုံးသားဖြင့် မြန်မာပြည်သို့ အကူအညီ ပေးမည့် စင်္ကာပူနိုင်ငံ အခြေစိုက် Metta World Foundation လူမှုကူညီရေး အသင်းကို (၂၈-၀၆-၂၀၀၉ ) တနင်္ဂနွေနေ့တွင် အောင်မြင်စွာ ဖွဲ့စည်း နိုင်ခဲ့သည်၊ အထူးသဖြင့် လိုအပ်နေသော မိဘမဲ့ ဂေဟာများ ဘုန်းတော်ကြီးသင် ပညာသင် ကျောင်းများ ဆွံအ နားမကြား ကျောင်းများ ကျန်းမာရေး လိုအပ်ချက်များကို တတ်နိုင်သလောက် အကူအညီပေးရန် သဘောတူ ဆုံးဖြတ်ကြသည်။ ဤ Metta World Foundation အသင်းဝင် မန်ဘာများတွင်း ဘာသာရေး အငြင်းပွားမှု နိုင်ငံရေး ဆောင်ရွက်မှု ပုဂ္ဂိုလ်ရေးရာ လူမှုရေး စွက်ဖက်မှု စီးပွားရေး ပါဝင်လာမှုတို့ လုံးဝ မရှိစေရဘဲ ပရဟိတ သက်သက် စေတနာ မေတ္တာ အပြည့်ဖြင့် ချွေးနဲစာများကို ဂျူလိုင်လမှ စတင်ကာ မြန်မာပြည်သို့ လှူဒါန်းမည် ဖြစ်ပါသည်၊ ပရဟိတ စိတ်ပါဝင်စားသူ မည်သူမဆို ကမ္ဘာ့နိုင်ငံ ဘယ်နေရာ၌ နေနေ ပါဝင် ကူညီနိုင်ကြောင်းကိုလည်း အသိပေးအပ် ပါသည်။ ဒုက္ခ ရောက်နေသူ မပြည့်စုံသူ များကို တတ်နိုင်သလောက် အကူအညီ ပေးခြင်းဖြင့် လောက ကမ္ဘာ လှပရေး မေတ္တာကမ္ဘာ ပြန့်ပွား ရှင်သန်ရေးကို ဦးတည်၍ ဖွဲ့စည်းခဲ့ကြခြင်း ဖြစ်ပါသည်။











မေတ္တာကမ္ဘာ ဖောင်ဒေးရှင်းသို့ ၀င်ရောက် လိုသူများ အနေဖြင့် မန်ဘာအဖြစ်ဖြင့် ဖြစ်စေ Volunteer စေတနာ့ ၀န်ထမ်း အဖြစ်ဖြင့်ဖြစ်စေ Adviser အနေဖြင့် ဖြစ်စေ ၀င်ရောက်နိုင်ပြီး မန်ဘာများ အနေဖြင့် အွန်လိုင်း ကွန်ဖရင့် အစည်းအဝေးသို့ အကြောင်း မရှိဘဲ မပျက်ကွက်ရ၊ လစဉ် မန်ဘာကြေး စင်္ကာပူဒေါ်လာ ၁၀-ဒေါ်လာ လှူဒါန်းရမည် ဖြစ်ပါသည်။ စိတ်ပါဝင်စား သူများ အောက်ပါ အီးမေးလ် ဖုန်းနံပါတ် များသို့ ဆက်သွယ်နိုင် ပါကြောင်း ၀မ်းမြောက်ဖွယ် အသိပေးအပ် ပါသည်။


အရှင်တိက္ခဉာဏာလင်္ကာရ ( President )
mail. bhikkhu.tikkhanana@gmail.com
rev.tikkha@yahoo.com
Ph. 94-71 36 00 9 88
65-8266 2972

ကိုမျိုးမင်းကျော် ( First Organizer )
mail. myominkyaw2008@gmail.com
ph. 65-9235 5291

ကိုဝေယာလင်း ( Discipline manager )
mail. waiyar@gmail.com
ph. 65-9295 0857

မအိမီကို ( Communicator )
mail. eimeko@gmail.com
ph. 65-9189 5772

+++++++++++++++++++++++++++++++++

လေးစားစွာဖြင့်
ဖိုးသား

30.06.2009, TUE:, 07:07:20 PM !--READ-MORE-STARTS-->
ဆက်လက်ဖတ်ရှုရန်.....
 
Bookmark and Share